លោកវរសេនីយ៍ទោ សៅ សារឿន អធិការនគរបាលស្រុកថ្មពួក នាំយកអំណោយរបស់លោកឧត្តមសេនីយ៍ទោ អាត់ ខែម ស្នងការនគរបាលខេត្ត ទៅប្រគល់ជូនស្ត្រីមេម៉ាយដែលត្រូវភ្លើងឆេះផ្ទះ
ខេត្តបន្ទាយមានជ័យ ៖ នៅរសៀល ថ្ងៃទី០៦ ខែមេសា ឆ្នាំ២០១៩ អំណោយជាគ្រឿងឧបភោគ បរិភោគ និងថវិការបស់លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ ត្រូវបានលោកវរសេនីយ៍ទោ សៅ សារឿន អធិការនគរបាលស្រុកថ្មពួក ដឹកនាំកម្លាំង នាំយកទៅប្រគល់ជូនស្រ្តីមេម៉ាយ ដែលមានជម្ងឺប្រចាំកាយ និងត្រូវបានអគ្គីភ័យឆាបឆេះផ្ទះ កន្លងទៅថ្មីៗនេះ នៅភូមិថ្មពួក ឃុំថ្មពួក ស្រុកថ្មពួក ខេត្តបន្ទាយមានជ័យ ។
លោកវរសេនីយ៍ទោ សៅ សារឿន អធិការនគរបាលស្រុកថ្មពួក បានពាំនាំការសាកសួរសុខទុក្ខ និងចូលរួមសោកស្តាយ ពីសំណាក់លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ ជូនដល់បងស្រី ប៊ុន សាវុធ អាយុ៥៨ឆ្នាំ (ស្ត្រីមេម៉ាយ ) មានជីវភាពខ្វះខាតខ្លាំង និងមានជម្ងឺ កំពុងដេកសម្រាកព្យាបាល រស់នៅភូមិថ្មពួក ឃុំថ្មពួក ស្រុកថ្មពួក ខេត្តបន្ទាយមានជ័យ ។