លោកឧត្ដមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង អញ្ជើញចុះសាកសួរសុខទុក្ខ និងនាំយកអំណោយរបស់ ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន និងឯកឧត្តម ឈួរ ច័ន្ទឌឿន ប្រគល់អោយកុមាររងគ្រោះដោយអំពេីហិង្សា នាពេលកន្លងមក នៅមន្ទីរពេទ្យគន្ធបុប្ផា
ខេត្តកំពង់ឆ្នាំង៖ដោយក្តីអាណិតអាសូរចំពោះកុមារដែលរងគ្រោះឈ្មោះ ញិប សុគុណ អាយុ ៩ឆ្នាំ ដោយសារឪពុកចិត្តកំណាចឃោរឃៅប្រេីអំពើហឹង្សា កាប់សម្លាប់ប្រពន្ធអោយស្លាប់ និងកាប់កូនខ្លួនឯងអោយរងរបួសធ្ងន់ធ្ងរ នៅភូមិអណ្ដូងរវៀង ឃុំអញ្ចាញរូង ស្រុកបរិបូណ៌ ខេត្តកំពង់ឆ្នាំង កាលពីយប់ថ្ងៃទី២១ ខែមេសា ឆ្នាំ២០១៩កន្លងទៅ។ នៅព្រឹកថ្ងៃទី២៥ ខែមេសា ឆ្នាំ២០១៩នេះ លោកឧត្តមសេនីយ៍ទោ ខូវ លី ក៏បានពាំនាំការសាកសួរសុខទុក្ខ និងពិនិត្យមេីលស្ថានភាពជំងឺផ្ទាល់របស់កុមារារងគ្រោះ ដែលកំពុងសម្រាកព្យាបាលនៅមន្ទីរពេទ្យគន្ធបុប្ផា ព្រមទាំងបាននាំយកនូវអំណោយរបស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង និងបានឧបត្ថម្ភដល់កុមាររងគ្រោះនេះ ដែលមានថវិកាសរុបចំនួន ២,៤០០០,០០០រៀល ទឹកដោះគោឆៅ ទឹកផ្លែឈេី និងមីម៉ាម៉ាមួយចំនួនទៀតផងដែរ។
មកដល់ពេលនេះដោយមានការយកចិត្តទុកដាក់មេីលថែទាំជម្ងឺពីក្រុមគ្រូពេទ្យ នៃមន្ទីរពេទ្យគន្ធបុប្ផានេះ ស្ថានភាពជម្ងឺរបស់កុមាររងគ្រោះបានធូរស្បេីយច្រេីនហេីយ ក្នុងឱកាសនោះដែរ លោកឧត្តមសេនីយ៍ទោ ខូវ លី ក៏បានពាំនាំនូវប្រសាសន៍ផ្តាំផ្ញេីសាកសួរសុខទុក្ខពីសំណាក់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន និងឯកឧត្តម ឈួរ ច័ន្ទឌឿន ចំពោះកុមារ៉ាដែលរងគ្រោះ ព្រមទាំងផ្តាំផ្ញេីដល់ក្រុមគ្រួសារអោយជួយមេីលថែទាំកុមារនោះអោយបានល្អប្រសេីរនឹងអាចឆាប់បានជាសះស្បេីយឆាប់វិលត្រឡប់ទៅផ្ទះវិញ ៕