ពិធីប្រណាំងទូកប្រពៃណីទូកនាគជ្រេីសរើសជើងឯក ភូមិភាគវាលរាប ពានរង្វាន់សម្តេចក្រឡាហោម ស ខេង
ខេត្តស្វាយរៀង៖នារសៀលថ្ងៃសៅរ៍១១រោចខែអាសាឍឆ្នាំកុរឯកស័កព.ស.២៥៦៣ត្រូវនឹងថ្ងៃទី២៧ខែកក្កដាឆ្នាំ២០១៩នេះឯកឧត្តមម៉ែនវិបុលអភិបាលនៃគណៈអភិបាលខេត្តស្វាយរៀងនិងឯកឧត្តមបណ្ឌិតមាសសារិនអនុប្រធានអចិន្ត្រៃយ៍សហព័ន្ធកីឡាទូកកានូនិងរ៉ូអ៉ីងកម្ពុជាឯកឧត្តមឯមម៉ាអូរីអនុប្រធានសហព័ន្ធបានអញ្ជើញចូលរួមទស្សនាការចាប់ផ្ដើមពិធីប្រណាំងទូកប្រពៃណី“ទូកនាគ” ជ្រើសរើសជើងឯកភូមិភាគវាលរាបពានរង្វាន់សម្តេចក្រឡាហោមសខេងលើកទី១ឆ្នាំ២០១៩នៅទន្លេវ៉ៃគោក្រុងស្វាយរៀងខេត្តស្វាយរៀង។
ក្នុងពិធីនេះក៏មានការអញ្ជើញចូលរួមពីឯកឧត្ដមលោកជំទាវសមាជិកសមាជិកាក្រុមប្រឹក្សាខេត្តអភិបាលរងខេត្ត គណៈប្រតិភូសហព័ន្ធកីឡាទូកកានូនិងរ៉ូអ៉ីងកម្ពុជាតំណាងកងកម្លាំងទាំងបីប្រធានមន្ទីរ–អង្គភាពនានាក្នុងខេត្តលោកអភិបាលក្រុងស្វាយរៀងក្រុមការងារសហភាពសហព័ន្ធយុវជនកម្ពុជាខេត្តភ្ញៀវជាតិ–អន្តរជាតិនិងបងប្អូនប្រជាពលរដ្ឋចូលរួមយ៉ាងច្រើនកុះករ។
សូមជម្រាបជូនថាការប្រកួតជម្រុះវគ្គទី១ក្នុងចំណោម០៦ទូកស្មេីនិង០៦ខេត្តជាប់ចំណាត់ថ្នាក់០៣ទូករួមមានទូកខេត្តព្រៃវែង ត្បូងឃ្មុំ និងខេត្តកណ្តាលនិងជម្រុះវគ្គទី២ក្នុងចំណោម០៣ទូកដែលធ្លាក់ត្រូវជ្រេីសរេីសយកតែ០១ទូកយកទៅបង្គ្រប់៤ទូកឡេីងទៅប្រកួតវគ្គពាក់កណ្តាលផ្តាច់ព្រ័ត្រនិងផ្តាច់ព្រ័ត្រក្នុងនោះជ្រេីសរេីសបានទៅលើខេត្តកំពង់ធំ។ ដូច្នេះក្រុមដែលត្រូវចូលរួមប្រកួតវគ្គពាក់កណ្តាលផ្តាច់ព្រ័ត្រ និងផ្តាច់ព្រ័ត្ររួមមាន:
១–ខេត្តព្រៃវែង
២–ខេត្តត្បូងឃ្មុំ
៣–ខេត្តកណ្តាល
៤–ខេត្តកំពង់ធំ
រីឯក្រុមទូកដែលធ្លាក់០២ទូកបុរសរួមមានខេត្តស្វាយរៀងនិងខេត្តកំពង់ចាមត្រូវប្រកួតជាមួយក្រុមទូកនារីខេត្តស្វាយរៀងនៅថ្ងៃស្អែកតាមពេលវេលានិងទីកន្លែងដដែល៕
