ឯកឧត្តម ឧត្តមសេនីយ៍ឯក សុខ វាសនា អញ្ជើញចូលរួមឆ្លងបិណ្ឌវេនទី១៣ នៅវត្តភ្នំគល់ ស្រុកបាណន់
ខេត្តបាត់ដំបង៖ នៅព្រឹកថ្ងៃព្រហស្បតិ៍ ១៣រោច ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ២៦ខែ កញ្ញា ឆ្នាំ២០១៩ ស្របតាមគន្លងប្រពៃណីខ្មែរនាឱកាសបុណ្យកាន់បិណ្ឌ ភ្ជុំបិណ្យនេះ ឯកឧត្តម ឧត្តមសេនីយ៍ឯក សុខ វាសនា អគ្គនាយករងអន្តោប្រវេសន៍ និងជាប្រធាននាយកដ្ឋានជនបរទេសមិនមែនអន្តោប្រវេសន្ត និងបច្ចេកវិទ្យា និងជាប្រធានក្រុមការងារថ្នាក់ជាតិចុះមូលដ្ឋានឃុំកន្ទឺ២ ស្រុកបាណន់ ខេត្តបាត់ដំបង ព្រមទាំង ឯកឧត្តម លោកជំទាវ លោក លោកស្រី ជាអនុប្រធាន សមាជិកក្រុមការងារចុះមូលដ្ឋានឃុំកន្ទឺ២ ប្រធាន អនុប្រធាន សមាជិកក្រុមកាងារចុះជួយភូមិក្នុងឃុំកន្ទឺ២ រួមជាមួយលោកមេឃុំកន្ទឺ២ សមាជិកក្រុមប្រឹក្សាឃុំលោកមេភូមិ អាជ្ញាធរមូលដ្ឋាន ក្រុមគ្រួសារ ប្រជាពុទ្ធបរិស័ទ្ធចំណុះជេីងវត្តជិតឆ្ងាយ ចូលរួមយ៉ាងច្រេីនកុះករ។ ក្នុងនោះ ឯកឧត្តម ឧត្តមសេនីយ៍ឯក ព្រមទាំងក្រុមការងារ បាននាំយកគ្រឿងឧបភោគ បរិភោគ និងថវិកា ប្រគេនដល់ព្រះសង្ឃសម្រាប់ចូលរួមទ្រទ្រង់កសាងទីវត្តអារាមមួយនេះបន្តទៀត, ជូនថវិកា លោកតា-លោកយាយ ពុទ្ធបរិស័ទ និងប្រជាពលរដ្ឋ , ក្មួយៗ កុមារា-កុមារី និងកងកម្លាំងប្រជាការពារ និងមន្រ្តីនគរបាលប៉ុស្តិ៍ សរុបថវិកា ចំណាយទាំងអស់ក្នុងពិធីបុណ្យកាន់វេនទី១៣ ចំនួន៧.០៨៩.០០០ រៀល ។
នាឱកាសបុណ្យឆ្លងបិណ្ឌវេណទី១៣នេះក្នុងនាមថ្នាក់ដឹកនាំ ឯកឧត្តម សូមជូនចំណែកបុណ្យ ជូនដល់ឯកឧត្តម លោកជំទាវ លោក លោកស្រី បានចំណែកបុណ្យស្មេីៗគ្នា ព្រមទាំងឧទ្ទិសមគ្គផល កុសលផលបុណ្យនាឱកាសនេះជូនដល់ដួងវិញ្ញាណក្ខន្ធបុព្វការីជន ដែលលោក អ្នក បានបែកកាយរំលាយខន្ធទៅកាន់លោកខាងមុខហេីយនោះ សូមដួងវិញ្ញាណក្ខន្ធ លោកអ្នកមកទទួលយកភាគផលកុសលនេះនិងសូមឲ្យដួងវិញ្ញាណក្ខន្ធអស់លោកទាំងអស់បានបដិសន្ធិក្នុងបរលោកកុំបីអាក់ខានឡេីយ។ សួន ស៊ីរ៉ា