កិច្ចប្រជុំពិគ្រោះយោបល់មន្រ្តីជាន់ខ្ពស់ កម្រិតបច្ចេកទេស នៃប្រទេសបញ្ជូនទាំងបី កម្ពុជា ឡាវ និងមីយ៉ាន់ម៉ា (CLM) ស្ដីពី “តួនាទីប្រទេសបញ្ជូនក្នុងការការពារពលករទេសន្តរប្រវេសន៍”
រាជធានីភ្នំពេញ៖ កិច្ចប្រជុំពិគ្រោះយោបល់មន្រ្តីជាន់ខ្ពស់ កម្រិតបច្ចេកទេស នៃប្រទេសបញ្ជូនទាំងបី កម្ពុជា ឡាវ និងមីយ៉ាន់ម៉ា (CLM) ស្ដីពី “តួនាទីប្រទេសបញ្ជូនក្នុងការការពារពលករទេសន្តរប្រវេសន៍” ដែលប្រព្រឹត្តទៅនាថ្ងៃទី៣០-៣១ ខែតុលា ឆ្នាំ២០១៩ ក្រោមអធិបតីភាពដ៏ខ្ពង់ខ្ពស់ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានគណៈកម្មាធិការជាតិ ប្រយុទ្ធប្រឆាំងអំពេីជួញដូរមនុស្សកម្ពុជា នៅសណ្ឋាគារ សុខាល័យអង្គរ ខេត្តសៀមរាប។ ក្នុងពិធីនេះដែរ មានការអញ្ជេីញចូលរួមពីគណៈប្រតិភូនៃព្រះរាជាណាចក្រកម្ពុជា គណៈប្រតិភូឡាវ រួមនឹងគណៈប្រតិភូមីយ៉ាន់ម៉ា ព្រមទាំងថ្នាក់ដឹកនាំជាន់ខ្ពស់ ពីក្រសួងជំនាញសំខាន់ៗទាំងបីប្រទេសផងដែរ។
