ទិវាអន្តរជាតិរំលឹកដល់ជនរងគ្រោះ ដោយគ្រោះថ្នាក់ចរាចរណ៍ផ្លូវគោកលើកទី១៤ នៅខេត្តកែប
ខេត្តកែប៖ គ្រោះថ្នាក់ចរាចរណ៍ គឺជាបញ្ហាប្រឈមមួយដែលកំពុងតែកេីតមានឡើងជារៀងរាល់ថ្ងៃ និងវាជាក្តីកង្វល់មួយរបស់ប្រមុខថ្នាក់ដឹកនាំ ដែលតែងតែយកចិត្តទុក្ខយ៉ាងខ្លាំងក្នុងការផ្សព្វផ្សាយ អប់រំនៅតាមទីសាធារណៈ គ្រឹះស្ថានសិក្សាអំពីច្បាប់ចរាចរណ៍ផ្លូវគោក ដែលគ្រោះថ្នាក់ទាំងអស់នេះបានធ្វេីឲ្យមនុស្សជួបបញ្ជា រងគ្រោះបាត់បង់អាយុជីវិត ខ្លះពិការភាពជាដេីម។ល។
ស្របពេលមានបញ្ហាខាងលើ នៅព្រឹកថ្ងៃទី២៤ ខែវិច្ឆិកា ឆ្នាំ២០១៩ រដ្ឋបាលខេត្តកែប សហការជាមួយមន្ទីរសាធារណៈការ និងដឹកជញ្ជូនខេត្ត បានប្រារព្ធទិវាអន្តរជាតិ រំលឹកដល់ជនរងគ្រោះ ដោយគ្រោះថ្នាក់ចរាចរណ៍ផ្លូវគោកលេីកទី១៤ ដែលធ្វេីឡេីងនៅសាលប្រជុំធំសាលាខេត្តកែប ក្រោមអធិបតីភាពដ៏ខ្ពង់ខ្ពស់ ឯកឧត្តម កែន សត្ថា អភិបាលនៃគណៈអភិបាលខេត្តកែប និងឯកឧត្តម សំ សារីន ប្រធានក្រុមប្រឹក្សាខេត្ត ដោយមានការអញ្ជើញចូលរួមពីសំណាក់ថ្នាក់ដឹកនាំខេត្ត មន្ទីរ អង្គភាពជុំវិញខេត្ត អ្នកពាក់ព័ន្ធ កងកម្លាំងប្រដាប់អាវុធទាំង៣ប្រភេទ អាជ្ញាធរមូលដ្ឋាន និងសិស្សានុសិស្សផងដែរ៕
