ផ្ទុះបំពង់ខ្យល់សម្រាប់លាងម៉ូតូបណ្តាលអោយស្ត្រីម្នាក់រងរបួស
ខេត្តកំពង់ឆ្នាំង ៖ នៅព្រឹកថ្ងៃពុធ ៥កើត ខែមាឃ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៩ ខែមករា ឆ្នាំ២០២០ វេលាម៉ោង១១ និង៥០នាទី មានករណីផ្ទុះបំពង់ខ្យល់សម្រាប់លាងម៉ូតូ១គ្រឿងបានបណ្តាលអោយត្រូវរបួសស្ត្រីម្នាក់ឈ្មោះ មាន គឹមអ៊ន អាយុ៣៨ឆ្នាំ រស់នៅភូមិពាមឆ្កោក ឃុំពាមឆ្កោក ស្រុកជលគីរី ខេត្តកំពង់ឆ្នាំង របួសត្រង់កជើង០១កន្លែង របួសកំភួនជើង០១កន្លែង និងរបួសកដៃស្តាំ០១កន្លែង។ ហេតុការណ៍គ្រោះថ្នាក់ខាងលេីនេះ គឺកេីតឡេីងនៅពេលជនរងគ្រោះកំពុងលាងម៉ូតូ និងបញ្ចូលខ្យល់ទៅបំពង់ខ្យល់ ស្រាប់តែផ្ទុះបំពង់ខ្យល់នោះតែម្តង។ ជនរងគ្រោះត្រូវបានបានដឹកយកទៅព្យាបាលនៅមន្ទីរខេត្តកំពង់ឆ្នាំង ៕
