ករណីធ្វើអោយខូចខាតដោយចេតនា ស្រុកកៀនស្វាយ ខេត្តកណ្តាល
ខេត្តកណ្តាល៖នៅថ្ងៃសៅរ៍ ១៤រោច ខែកក្តិក ឆ្នាំជូត ទោសក័ព .ស២៥៦៤ត្រូវនឹងថ្ងៃទី១៤ ខែវិច្ឆិកា ឆ្នាំ២០២០មានករណីធ្វើអោយខូចខាតដោយចេតនានៅចំណុចភូមិស្តៅកន្លែង៣ ឃុំដីឥដ្ឋ ស្រុកកៀនស្វាយ ខេត្តកណ្តាល។
ជនរងគ្រោះឈ្មោះប៉ា អូន ភេទស្រីអាយុ៥០ ឆ្នាំជនជាតិខ្មែរមានទីលំនៅភូមិស្ដៅកន្លែង៣ ឃុំដីឥដ្ឋ ស្រុកកៀនស្វាយ ខេត្តកណ្ដាល មុខរបរកសិករ(ត្រូវជាម្តាយបង្កើត)។
ជនសង្ស័យចំនួនឈ្មោះ ភា រស្មី ភេទប្រុស អាយុ២៦ ឆ្នាំជនជាតិខ្មែរមានទីលំនៅភូមិ ឃុំកើតហេតុ មុខរបរមិនពិតប្រាកដ ត្រូវជាកូនបង្កើត(ឃាត់ខ្លួន)។
សម្ភារះខូចខាតរួមមាន៖
១–ឆ្នាំងដាំបាយខ្សែភ្លើងចំនួន១
២–កង្ហាលចំនួន១
៣–ព្រះភូមរានទេវតាចំនួន០១
៤– បង្កាន់ដៃកាន់ជណ្តើរផ្ទះធ្វើអំពីថ្មខូចខាតផ្នែកខាងក្រោម
៥–ស៊មរូបថតចំនួន០៣ និងមែកឈើហូបផ្លែមួយចំនួន។
វត្ថុតាងចាប់យករួមមាន៖
១–ញញួរផ្លែដែកដងឈើប្រវែង០,២២ម៉ែត្រចំនួន០១
២–កាំបិតកញ្ចែតប្រវែង០,៤៨ម៉ែត្រ ចំនួន០១
៣–ដែកស្រួចចំនួន០២ដើម មួយដើមប្រវែង០,៤៣ម៉ែត្រ
និងដែកកេះហ្គាសចំនួន០១ពណ៍ស្វាយ។
នៅថ្ងៃ ខែ ឆ្នាំវេលាម៉ោងកើតហេតុខាងលើជនសង្ស័យបានសុំលុយពីម្តាយឈ្មោះ ប៉ា អូន ជាជនរងគ្រោះចំនួន២.០០០០៛(ពីមុឺនរៀល) តែម្តាយជាជនរងគ្រោះមិនមានលុយអោយ ស្រាប់តែជនសង្ស័យខឹងក៏បានទាត់ឆ្នាំងដាំបាយខ្សែភ្លើង និងកង្ហាលបណ្តាលអោយខូចខាត រួចយកញញួរវាយកាំជណ្តើផ្ទះ និងវាយព្រះភូមរានទេវតាបណ្តាលអោយបែកខូចខាតទាំងអស់ បន្ទាប់មកយកកាំបិតកាប់ស៊មរូបថតនិងដើមឈើនៅខាងមុខផ្ទះរួចយកដែកចង់ស្រួចគំរាមរកចាក់ម្តាយជាជនរងគ្រោះ ថែមទាំងយកដែកកេះគំរាមរកដុតផ្ទះចោលថែមទៀត។
ក្រោយពីទទួលបានពាក្យបណ្តឹងពីជនរងគ្រោះជាម្តាយកំលាំងប៉ុស្តិ៍នគរបាលរដ្ឋបាលដីឥដ្ឋបានចុះដល់ចំណុចកើតហេតុពិនិត្យជាក់ស្តែងរួចនាំយកជនសង្ស័យមកប៉ុស្តិ៍ដើម្បីសួរនាំ ក្រោយពីសួរនាំរួច នៅចំពោះមុខសមត្តកិច្ចជនសង្ស័យបានសារភាពថា៖ខ្លួនពិតជាបានធ្វើសកម្មភាពវាយ និងកាប់បំផ្លិចបំផ្លាញ់ទ្រព្យសម្បត្តិរួមនឹងគំរាម រកចាក់ម្តាយ និងរកដុតផ្ទះពិតប្រាកដមែនដោយសារសុំលុយម្តាយយកទិញថ្នាំញៀនមិនបាន ។
ក្រោយពីសួរនាំជនសង្ស័យរួច កំលាំងប៉ុស្តិ៏នគរបាលរដ្ឋបាលដីឥដ្ឋបានបញ្ជូនជនសង្ស័យ រួមទាំងវត្ថុតាងមកកាន់អធិការដ្ឋាននគរបាលស្រុកកៀនស្វាយដើម្បីបន្តនិតិវិធី។