លោកឧត្តមសេនីយ៍ស្នងការនគរបាលខេត្តកំពង់ចាមអញ្ជើញជាគណៈអធិបតីបើកកិច្ចប្រជុំបូកសរុបសភាពការណ៍បទល្មើស និងលទ្ធផលនៃកិច្ចប្រតិបត្តិការ រក្សាសន្តិសុខសង្គម និងការអនុវត្តការងារនគរបាល និងសហគមន៍ ប្រចាំខែកុម្ភ: ឆ្នាំ២០២២
កំពង់ចាម : នារសៀលថ្ងៃទី១១ ខែមីនា ឆ្នាំ២០២២ លោកឧត្តមសេនីយ៍ទោ ឯម កុសល សស្នងការនគរបាលខេត្ត បានអញ្ជើញជាគណ:អធិបតីដឹកនាំកិច្ចប្រជុំដល់ លោកស្នងការរង លោកអនុប្រធានផែន លោក-លោកស្រី នាយ នាយរងការិយាល័យជំនាញ អធិការនគរបាលក្រុង-ស្រុក និងលោកមេប៉ុស្ដិ៍នគរបាលរដ្ឋបាលទាំង១០៩ ៖
១-បូកសរុបលទ្ធផល កិច្ចប្រតិបត្តិការ រក្សាសន្តិសុខសង្គម អនុវត្តការងារនគរបាល និងសហគមន៍ ប្រចាំខែកុម្ភ: និងត្រីមាសទី១ លេីកទិសដៅការងារខែមីនា និងត្រីមាសទី២ ឆ្នាំ២០២២
២-ផ្សព្វផ្សាយផែនការចាត់តាំងអនុវត្តសេចក្ដីនែនាំលេខ០២៨ សណន ចុះថ្ងៃទី០៩ ខែកក្កដា ឆ្នាំ២០១៩ របស់ក្រសួងមហាផ្ទៃ ស្ដីពីការគ្រប់គ្រងវត្តមានជនបរទេស ក្នុងព្រះរាជាណាចក្រកម្ពុជា ដោយស្របតាមប្រសាសន៍ការណែនាំដ៍ខ្ពង់ខ្ពស់របស់ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ និង ឯកឧត្ដម នាយឧត្តមសេនីយ៍ អគ្គនាយក នៃអគ្គនាយកដ្ឋានអន្តោប្រវេសន៍ ក្នុងអង្គប្រជុំកាលពីថ្ងៃទី០៨ ខែកុម្ភៈ ឆ្នាំ២០២២
៣-អត្តសញ្ញាណប័ណ្ណសញ្ជាតិខ្មែរ បាត់ ខូច ឬធ្វេីថ្មី ត្រូវត្រួតពិនិត្យឲ្យបានត្រឹមត្រូវមុននឹងធ្វេីជូនដល់ពលរដ្ឋជាថ្មី និងពន្លឿនដំណេីរការនៃធ្វេីអត្តសញ្ញាណប័ណ្ណ ជូនដល់ប្រជាពលរដ្ឋឲ្យបានឆាប់រហ័ស
៤-បង្កេីនកំលាំងប្រជាការពារនៅតាមមូលដ្ឋាន ដេីម្បីចូលរួមចំណែកក្នុងការថែរក្សាសន្តិសុខ សុវត្ថិភាព សណ្ដាប់ធ្នាប់សារធារណៈ ជូនប្រជាពលរដ្ឋក្នុងមូលដ្ឋាន
៥-ជម្រុញបន្ថែមលេីការធ្វេីប័ណ្ណ ប.ស.ស ដេីម្បីឲ្យមន្រ្តីនគរបាលនៅស្នងការរដ្ឋាន ទទួលបានប័ណ្ណ ប.ស.ស យកទៅប្រេីប្រាស់លេីការព្យាបាលជំងឺនៅតាមមន្ទីរពេទ្យរដ្ឋ ដេីម្បីសម្រួលបន្ទុកលេីការចំណាយព្យាបាលជំងឺផ្សេងៗ
៦-ពង្រឹងបន្ថែមលេីការអនុវត្តច្បាប់ ស្ដីពីការរឹតបន្ដឹងច្បាប់ចរាចរណ៍ផ្លូវគោក តាមអនុក្រឹតលេខ៣៩ អប្រក និងវិធានការកាត់បន្ថយបទល្មេីសគ្រោះថ្នាក់ចរាចរណ៍
៧-ពង្រឹងកម្លាំងប្រចាំការ២៤/២៤ម៉ោង ដេីម្បីជួយអន្តរាគមន៍ឲ្យបានទាន់ពេលវេលា ប្រសិនបេីមានសភាពការណ៍មិនប្រក្រតីកេីតឡេីង ជាពិសេស គ្រោះអគ្គិភ័យ និងបង្រ្កាប់លេីបទល្មេីសផ្សេងៗ
៨-ពង្រឹងបន្ថែមលេីការអនុវត្តការងារជំនាញ ដល់គ្រប់ការិយាល័យ អធិការរដ្ឋាននគរបាលស្រុក-ក្រុង និងប៉ុស្តិ៏នគរបាលរដ្ឋបាលទាំង១០៩ ៕