លោកឧត្តមសេនីយ៍ស្នងការ អញ្ជើញចូលរួមក្នុងទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា ២០២២ ក្រោមប្រធានបទ រួមគ្នាបង្ការទប់ស្កាត់ និងដោះស្រាយបញ្ហាគ្រឿងញៀន
កំពង់ចាម ៖ នៅព្រឹកថ្ងៃទី៣០ ខែមិថុនា ឆ្នាំ២០២២ លោកឧត្តមសេនីយ៍ទោ ឯម កុសល ស្នងការនគរបាលខេត្ត បាន អញ្ជើញចូលរួមក្នុងទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា ២០២២ ក្រោមប្រធានបទ រួមគ្នាបង្ការទប់ស្កាត់ និងដោះស្រាយបញ្ហាគ្រឿងញៀន ប្រព្រឹត្តិទៅក្រោមអធិបតីភាព ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត និងជាប្រធានគណកម្មាធិការ ត្រួតពិនិត្យគ្រឿងញៀនខេត្តកំពង់ចាម ។
កម្មវិធីនេះប្រព្រឹត្តទៅនៅសាកលវិទ្យាល័យបាធាយ ឃុំបាធាយ ស្រុកបាធាយ ខេត្តកំពង់ចាម ដោយមានការអញ្ចេីញចូលរួមពីសំណាក់ ៖ ឯកឧត្តម ប្រធានសាលាដំបូង ព្រះរាជអាជ្ញានៃអយ្យការអមសាលាដំបូងខេត្ត ឯកឧត្តម-លោកជំទាវ អភិបាលរងខេត្ត កងកម្លាំងប្រដាប់អាវុធទាំងបី លោក-លោកស្រីប្រធានមន្ទីរអង្គភាពជុំវិញខេត្ត លោកគ្រូ-អ្នកគ្រូ មន្រ្តីរាជការ និងប្រជាពលរដ្ឋជាច្រេីននាក់ទៀតផងដែរ ៕
