ផែនការងារអន្តោប្រវេសន៍ខេត្តកំពង់ចាម បានបើកកិច្ចប្រជុំបូកសរុបលទ្ធផលការងារប្រចាំឆមាសទី១ និងលើកទិសដៅអនុវត្តបន្តឆមាសទី២ ឆ្នាំ២០២២
កំពង់ចាម ៖ ដោយបានការអនុញ្ញាតពីលោកឧត្តមសេនីយ៍ទោ ឯម កុសល ស្នងការនគរបាលខេត្ត នាព្រឹកថ្ងៃទី០៧ ខែកក្កដា ឆ្នាំ២០២២ លោកឧត្តមសេនីយ៍ត្រី សិត សិលា ស្នងការរងទទួលផែនការងារអន្តោប្រវេសន៍ បានអញ្ជើញជាអធិបតីបើកកិច្ចប្រជុំបូកសរុបលទ្ធផលការងារប្រចាំខែមិថុនា, ឆមាសទី១ ឆ្នាំ២០២២ លេីកទិសដៅការងារអនុវត្តបន្តសម្រាប់ឆមាសទី២ ឆ្នាំ២០២២ និងការងារចាំបាច់មួយចំនួនរបស់ផែនអន្តោប្រវេសន៍ដល់លោកនាយការិយាល័យទាំង២ លោក-លោកស្រី នាយរងការិយាល័យ លោក-លោកស្រីនាយ នាយរងផ្នែក និងមន្ត្រីចំនុះផែនអន្តោប្រវេសន៍ទាំងអស់ លោកអធិការរងក្រុង/ស្រុកទាំង១០ និងលោកនាយផ្នែក ទទួលការងារអន្តោប្រវេសន៍ សរុបចំនួន ៥១ នាក់ ស្រី០៨នាក់។
កិច្ចប្រជុំនាឱកាសនេះផ្តោតសំខាន់ទៅលើ ៖
១-ត្រួតពិនិត្យលទ្ធផល ដកពិសោធន៍ បញ្ហាប្រឈម និងសំណូមពរ ការងាជំនាញទាំងខេត្ត និងស្រុក
២-ធ្វេីបច្ចុប្បន្នភាពការងារគ្រប់គ្រងវត្តមានរបស់ជនបរទេស តាមប្រពន្ធ័FPCS
៣-ត្រួតពិនិត្យបញ្ជីតារាងគោលដៅការងារហត្ថពលករបរទេសក្នុងភូមិសាស្រ្តខេត្ត ។
៤-រៀបចំក្រុមគ្រូបង្គោល និងកាលបរិច្ឆេទ ចុះបណ្តុះបណ្តាលដល់ជំនាញតាមបណ្តាស្រុក-ក្រុង ក្នុងការប្រេីប្រាស់ប្រពន្ធ័FPCS បន្ថែមបន្តទៀត នាសប្តាហ៍ទី2 ខែកក្កដានេះ។
៥-ត្រូវជម្រុញជនអន្តោប្រវេសន្ត ហួសសុពលភាពប័ណ្ណស្នាក់នៅ និងកូនគ្រប់អាយុ១៨ក្នុងឧបសម្ពន្ធ័ឪពុកម្តាយ ឲ្យមកដាក់ពាក្យសុំប័ណ្ណស្នាក់នៅអចិន្ដ្រៃយ៍បន្ត ជៀសវាងការផាកពិន័យ ។
៦-ជម្រុញការងារតាមដានត្រួតពិនិត្យ ស្វែងរក ជនបរទេសចេញ-ចូល ស្នាក់នៅ ធ្វេីការខុសច្បាប់ ។
៧-ស្នេីឲការិយាល័យចំណុះផែន និងជំនាញស្រុក-ក្រុងទាំង១០ ត្រូវកសាងភ្នាក់ងារផ្តល់ពត៍មាន ៕
