ថ្នាក់ដឹកនាំខេត្តសៀមរាបដឹកនាំមន្ត្រីរាជការ មន្ទីរ អង្គភាពចូលរួមកាន់បិណ្ឌវេណ១នៅវត្តពុទ្ធស្ថាននគររាជធម្មមេត្តា
នាថ្ងៃទី១១ ខែកញ្ញា ឆ្នាំ២០២២ ឯកឧត្តម អ៊ាន ឃុន ប្រធានក្រុមប្រឹក្សាខេត្ត និងឯកឧត្តម ទៀ សីហា អភិបាល នៃគណៈអភិបាលខេត្ត បានចូលរួមក្នុងពិធីកាន់វេណ១នៅវត្តពុទ្ធស្ថាននគររាជធម្មមេត្តាដោយមានការចូលរួមពីឯកឧត្តម លោកជំទាវ ជាសមាជិកក្រុមប្រឹក្សាខេត្ត អស់លោក លោកស្រីជាថ្នាក់ដឹកនាំមន្ទីរ មន្ត្រីរាជការ បានចូលរួមក្នុងពិធីកាន់វេនជាមួយបងប្អូនប្រជាពុទ្ធបរិស័ទ។
នាឱកាសនេះដែរ ឯកឧត្តម ទៀ សីហា ក៏អំពាវនាវដល់បងប្អូនប្រជាពលរដ្ឋ បន្តចូលរួមទប់ស្កាត់ការឆ្លងរីករាលដាលជំងឺកូវីដ–១៩ចូលរួមអនុវត្តវិធានការ ៣កុំ ៣ការពារ បន្តទទួលការចាក់វ៉ាក់សាំងឲ្យបានគ្រប់ចំនួន និងចូលរួមពិធីបុណ្យកាន់បិណ្ឌ និងភ្ជុំបិណ្ឌតាមវត្តអារាម ជាមួយក្រុមគ្រួសារប្រកបដោយសេចក្តីសុខ។
បន្ទាប់ពីបូជាទានធូបរួចមក ថ្នាក់ដឹកនាំក៏បានប្រគេនតេយ្យទាននិងបច័្ចយដល់ព្រះសង្ឃគង់នៅវត្តពុទ្ធស្ថាននគររាជធម្មមេត្តារួមមានបច្ច័យ២លានរៀល អង្ករ៥ការ៉ុងស្មេីរនឹង២៥០គីឡូ មី៥កេស ទឹកសុទ្ធ១០កេស ទឹកក្រូច១០កេស ទឹកត្រី៤យួរ ទឹកស៉ីអ៉ីវ៤យួរ ត្រីខ១កេស ស្លាដក់៧សូងនិងសម្ភាៈផ្សេងៗទៀត៕
