របាយការណ៍បឋមស្តីពីករណីកាន់កាប់ ដោយខុសច្បាប់នូវសារធាតុញៀននិងកាន់កាប់អាវុធខុសច្បាប់
ខេត្តព្រះសីហនុ៖ ថ្ងៃចន្ទ ១២ កើត ខែស្រាពណ៍ ឆ្នាំថោះបញ្ចស័ក ពុទ្ធសករាជ ២៥៦៧ត្រូវនឹងថ្ងៃទី២៨ ខែសីហា ឆ្នាំ២០២៣វេលាម៉ោង០០:២៥នាទីនៅចំណុរង្វង់មូលវាលរេញ លើដងផ្លូវជាតិលេខ៤ នៅចន្លោះគីឡូមែត្រលេខ១៨០-១៨១ ស្ថិតក្នុងភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ កម្លាំងជំនាញអធិការដ្ឋាននគរបាលស្រុកព្រៃនប់ បានធ្វើការឃាត់រថយន្តចំនួន០១គ្រឿងម៉ាកCamaryឆ្នាំ២០០៧ ពណ៌សពាក់ស្លាកលេខភ្នំពេញ2U-1102 (ស្លាកលេខក្លែងក្លាយ) និងឃាត់ខ្លួនជនសង្ស័យចំនួន០៤នាក់ ដែលជិះក្នុងរថយន្ត៖ ១/ឈ្មោះ គ្រី ស្ទាន ភេទប្រុស អាយុ១៩ ឆ្នាំ មុខរបរ មិនពិតប្រាកដ ស្នាក់នៅភូមិឬស្សី សង្កាត់ស្ទឹងមានជ័យ ខណ្ឌស្ទឹងមានជ័យ រាជធានីភ្នំពេញ។
២/ឈ្មោះ អេង តិចឡុង ភេទប្រុស អាយុ១៧ ឆ្នាំមុខរបរមិនពិតប្រាកដ ស្នាក់នៅភូមិឬស្សី សង្កាត់ស្ទឹងមានជ័យ ខណ្ឌស្ទឹងមានជ័យ រាជធានីភ្នំពេញ។
៣/ឈ្មោះ ជីវ រក្សា ភេទប្រុសអាយុ២០ ឆ្នាំមុខរបរមិនពិតប្រាកដ ស្នាក់នៅភូមិដើមស្លែង សង្កាត់ច្បារអំពៅ ខណ្ឌច្បាអំពៅ រាជធានីភ្នំពេញ។
៤/ឈ្មោះ សំ ពៅ ភេទប្រុសអាយុ៣៤ ឆ្នាំមុខរបរមិនពិតប្រាកដ ស្នាក់នៅភូមិឬស្សី សង្កាត់ស្ទឹងមានជ័យ ខណ្ឌស្ទឹងមានជ័យ រាជធានីភ្នំពេញ។
+ដកហូតវត្ថុតាងរួមមាន៖
-ម្សៅក្រាមសថ្លាសង្ស័យសារធាតុញៀនចំនួន០៣កញ្ចប់
-ទូរស័ព្ទដៃចំនួន០៥គ្រឿង
-ឧបករណ៍ប្រើប្រាស់មួយចំនួន
-កាំភ្លើងខ្លីចំនួន០១ដើម និងគ្រាប់ចំនួន៣០គ្រាប់
-សុីឡង់ស័រតកាណុងកាំភ្លើងចំនួន០១
-រថយន្តចំនួន០១គ្រឿង។ បច្ចុប្បន្នយើងកំពុងកសាងសំណុំរឿងតាមនីតិវិធី។ 
