ពិធីបិទការប្រកួតកីឡាប៊ូល និងប៉េតង់ ដណ្ដើមពានរង្វាន់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ដើម្បីអបអរសាទរបុណ្យជ័យជំនះ (៧ មករា ១៩៧៩-០៧ មករា ២០២៤)
ខេត្តព្រៃវែង៖ ឯកឧត្តម សួន សុម៉ាលីន អភិបាលនៃគណៈអភិបាលខេត្ត បានអញ្ជើញជាអធិបតីក្នុងកម្មវិធីបិទការប្រកួតកីឡាប៊ូល និងប៉េតង់ដណ្ដើមពានរង្វាន់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ដើម្បីអបអរសាទរបុណ្យជ័យជំនះ (៧ មករា១៩៧៩–០៧ មករា ២០២៤) ដែលប្រព្រឹត្តទៅនៅមន្ទីរអប់រំ យុវជន និងកីឡាខេត្តព្រៃវែង នារសៀលថ្ងៃសុក្រ ៩រោច ខែមិគសិរ ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៥ ខែមករា ឆ្នាំ២០២៤។ ថ្លៃងនៅក្នុងការនោះផងដែរឯកឧត្តម សួន សុម៉ាលីន អភិបាលខេត្តព្រៃវែង បានកោតសរសើរ ចំពោះមន្ទីរអប់រំយុវជននិងកីឡាខេត្តព្រៃវែងដែលបានរៀបចំនៅការប្រកួត កីឡា ប៊ូល និងប៉េតង់ ដណ្ដើមពានរង្វាន់ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នេះឡើង ក្នុងគោលបំណង បង្កើតនូវសាមគ្គីភាព សុខភាព និងជួយឲ្យវិស័យកីឡានៅក្នុងខេត្តព្រៃវែងមានការរីកចម្រើនជាបន្តបន្ទាប់ និងដើម្បីអបអរសាទរបុណ្យជ័យជំនះ (៧ មករា ១៩៧៩–០៧ មករា ២០២៤)។ ឯកឧត្តម បានមានប្រសាសន៍ កោតសរសើរដល់ក្រុមកីឡា ប៊ូល និងប៉េតង់ ដែលមានទាំងក្មេង ទាំងចាស់ នារី និងយុវជន បានចូលរួមលេងយ៉ាងច្រើនកុះករ ដែលធ្វើឲ្យការប្រារព្ធពិធីងរៀបចំកីឡា ប៊ូល និងប៉េតង់ ដណ្តើមពានរង្វាន់ ឯកឧត្តម អភិសន្តិបណ្ឌិត ស សុខា នេះប្រកបដោយភាពសប្បាយរីករាយ និងទទួលបានជោគជ័យ។ បើយោងតាមរបាយការណ៍របស់លោក ប៉ាវ សុធី ប្រធានមន្ទីរ អប់រំ យុវជន និងកីឡា ខេត្តព្រៃវែង បានលើកឡើងថាការប្រកួតកីឡា ប៊ូលនិងប៉េតង់ ដណ្ដើមពានរង្វាន់ ឯកឧត្តម អភិសន្តិបណ្ឌិត ស សុខា នេះបានចាប់ផ្ដើមពីថ្ងៃទី ៤ ដល់ថ្ងៃទី ៥ ខែមករា ឆ្នាំ២០២៤ ដែលមានក្រុមចូលរួម ចំនួន ៥១ ក្រុម ដែលមកពីបណ្ដាក្រុង ស្រុក ចំនួន ៨ និងអង្គភាពនានាជុំវិញខេត្ត ក្នុងនោះផ្នែកវ័យចាស់ មានចំនួន ២០ ក្រុម ផ្នែកយុវជនមានចំនួន ២០ ក្រុម និងផ្នែកនារី មានចំនួន ១១ ក្រុម។ ជាលទ្ធផលនៃការប្រកួតកីឡាប៊ូល និងប៉េតង់ ដណ្ដើមពានរង្វាន់ ឯកឧត្តម អភិសន្តិបណ្ឌិត ក្នុងនោះកីឡា
ផ្នែកវ័យចាស់
–ចំណាប់ថ្នាក់លេខ ១ បានទៅលើក្លឹប CCP1
–ចំណាត់ថ្នាក់លេខ ២ បានទៅលើក្លឹប CCP២ –ចំណាត់ថ្នាក់លេខ ៣ បានទៅលើក្លឹប សំណាងបៃតង
ផ្នែក យុវជន
–ចំណាប់ថ្នាក់លេខ ១ បានទៅលើក្លឹប មន្ទីរការងារ
–ចំណាត់ថ្នាក់លេខ ២ បានទៅលើក្លឹប មន្ទីរ រ៉ែ
–ចំណាប់ថ្នាក់លេខ ៣ បានទៅលើក្លឹប អយក ស្រុកស៊ីធរកណ្ដាល
+ផ្នែក នារី
–ចំណត់ថ្នាក់លេខ ១ បានទៅលើក្លឹប ម៉ែចាស់ ហ.ស កំពង់លាវ
–ចំណាប់ថ្នាក់លេខ ២ បានទៅលើក្លឹប សង្កាត់កំពង់លាវ
–ចំណាត់ថ្នាក់លេខ ៣ បានទៅលើក្លឹប មន្ទីអប់រំ យុវជននិងកីឡា២ ៕