នគរបាលស្រុកថ្មគោល អនុវត្តដីកាចាប់ខ្លួនជនត្រូវចោទម្នាក់ក្នុងករណីគ្រឿងញៀន
ខេត្តបាត់ដំបង៖ នៅថ្ងៃព្រហស្បតិ៍ ១៣កើត ខែមាឃ ឆ្នាំថោះ បញ្ចស័ក ព.ស ២៥៦៧ ត្រូវនឹង ថ្ងៃទី២២ ខែកុម្ភៈ ឆ្នាំ២០២៤ វេលាម៉ោង ១៣និង ៣០នាទីនៅចំណុចក្រុមទី ០១ ភូមិ ហៃសានឃុំ ជ្រៃស្រុកថ្មគោល ខេត្តបាត់ដំបង ស្របតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោកវរសេនីយ៍ឯក សុខ និមល ស្នងការរងផែនការងារ ប្រឆាំងគ្រឿងញៀន លោកវរសេនីយ៍ទោ សេង លុច អធិការនគរបាលស្រុកថ្មគោល បានដឹកនាំកម្លាំងផ្នែកប្រឆាំងគ្រឿងញៀន រួមជាមួយកម្លាំងប៉ុស្តិ៍នគរបាលរដ្ឋបាលជ្រៃ នៃអធិការដ្ឋាននគរបាលស្រុកអនុវត្តដីកាបង្គាប់ឱ្យចាប់ខ្លួនរបស់លោក ហៃ ណៃហេង ចៅក្រមស៊ើបសួរនៃសាលាដំបូងខេត្តបា ត់ដំបង លេខ ៤៤៨ ចុះថ្ងៃទី ២២ខែ មិថុនាឆ្នាំ២០២៣ ដោយបង្គាប់ឱ្យចាប់ខ្លួនជនត្រូវចោទឈ្មោះ សឿត សារិន ហៅវែង ភេទប្រុស អាយុ៣៥ឆ្នាំ នៅភូមិអន្លង់រុនឃុំ ជ្រៃស្រុកថ្មគោល ខេត្តបាត់ដំបង ជាប់ចោទពីបទជួញដូរ ដោយខុសច្បាប់ នូវសារធាតុញៀន ប្រព្រឹត្តនៅចំណុចភូមិ អូរពងមាន់ ឃុំតាគ្រាម ស្រុកបាណន់ ខេត្តបាត់ដំបង កាលពីថ្ងៃទី០៣ខែ កុម្ភៈ ឆ្នាំ២០២៣ ។
ពេលនេះសមត្ថកិច្ចបានរៀបចំបញ្ជូនមកការិយាល័យជំនាញចាត់ការតាមនីតិវិធីបបន្ត ៕