តារាសិល្បៈមួយចំនួន ផ្ទុះការរិះគន់យ៉ាងចាស់ដៃ លើជំនួយការអ្នករៀបចំកម្មវិធីថតត្រៀមសម្រាប់បុណ្យចូលឆ្នាំរបស់សមាគមទូរទស្សន៍
ភ្នំពេញ ៖ ថ្មីៗនេះមានអ្នកសិល្បៈល្បីៗមួយចំនួន បានផ្ទុះការរិះគន់យ៉ាងចាស់ដៃ និងបង្ហាញការមិនពេញចិត្ត ក្រោយពេលចូលរួមថតកម្មវិធីឲ្យសមាគមទូរទស្សន៍ដើម្បីត្រៀមសម្រាប់ក្នុងឱកាស នៃបុណ្យចូលឆ្នាំថ្មី ប្រពៃណីជាតិខាងមុខនេះ។ ខណៈដែលមានជំនួយការ នៃអ្នករៀបចំកម្មវិធីម្នាក់បានប្រើចរិតអំនួតខ្លាំងលើអ្នកសិល្បៈដែលបានចូលរួមថតសម្តែង។
ជាក់ស្តែងមានតារាសិល្បៈដូចជា ៖ លោក ម៉ា ដូណា ,លោក គន់ រៀមរតនៈ(ចែរ៉ូហ្សា) ,លោក កាវីន បាននាំគ្នាផ្ទុះការរិះគន់យ៉ាងចាស់ដៃរហូតទម្លាយពីអារម្មណ៍ពិតនៅលើបណ្តាញសង្គមហ្វេសប៊ុកជាសាធារណៈ។ មិនត្រឹមតែប៉ុណ្ណោះលោក ម៉ា ដូណា ក៏បានប្រកាសព្រមានទម្លាយឈ្មោះនិងអត្តសញ្ញាណរបស់បុគ្គលម្នាក់នោះទៀតផង។
លោក ម៉ា ដូណា បានរៀបរាប់បែបនេះថា ចាំស្តាប់សម្តីអញ មានស្លាប់ដោយសារជំងឺទាន់ហន់ អញនាំប្តីអញ និងគ្រប់គ្នាទៅថតចូលឆ្នាំអោយទូរទស្សន៍គឺគ្មានបានលុយមួយរៀលទេណា តែអញចង់បានមកវិញគឺការគោរពគ្នាទៅវិញទៅមក។ កុំមកធ្វើឫកខ្មើតដាក់អញណាមីខ្ទើយ មីបក្សពួក ឆ្ងាញ់ត្រង់អញសួរបួនដងមិនឆ្លើយ អញមិនមែនតួអន់ឯណា តួមានឈ្មោះដូចអញកាន់តែល្បីកាន់តែអោនលំទោន មិនមែនដូចមីខ្ទើយលាក់មុខ…។
តារាសម្តែងលក្ខណៈភេទទី៣លោក ម៉ា ដូណា បាននិយាយទៀតថា ដូចយើងបានចេះរៀបចំណេះប៉ុណ្ណឹងកុំខ្មើតណា ពេលជួបមុខអញកន្លែងណាដើរចេញអោយផុតពីអញ កុំអោយអញដៀល ហើយបើបានស្គាល់អ្នកធំដោយសារបានរៀបចំអញ្ចឹងហើយកុំអាង ប្រយ័ត្នបង្ហោះឲ្យល្បី ឲ្យគេស្គាល់ពីសន្តានខ្មើតរបស់យើង មីស្លាប់អ្វីក៏រៀបចរិតអ្វីយ៉ាងនឹង។ fuck កុំឃើញអញលេងសើចសប្បាយលើកឆាកតែអញគុំងែងណាស់ អញស្អប់ពួកអាសិល្បៈបានលោតតិចតួចបែបនឹងធ្វើឫកណាស់។
មិនខុសពីលោក ម៉ា ដូណា ប៉ុន្មាននោះទេសម្រាប់តារាសម្តែងលោក គន់ រៀម រតនៈ ហៅ ចែរ៉ូហ្សា ទន្ទឹមគ្នានេះក៏បានបញ្ចេញប្រតិកម្មរិះគន់ដែរថា តាំងចិត្ត និងស្បថជាមួយខ្លួនឯងថា ចាប់ពីម៉ោងនេះ វិនាទីនេះ ថ្ងៃនេះ ខែនេះ ឆ្នាំនេះតទៅ រាល់កម្មវិធីសិល្បៈបើមានមីចោរនេះឬ អាត្រូវគ្រាប់នរក ប៉ុន្មានក្បាលឯងហ្នឹងកាន់ អញសុខចិត្តទៅព្រៃវែងស្ទូងស្រូវ ធ្វើស្រែវិញ វាថ្លៃថ្នូរជាងចូលរួមកម្មវិធីមីចោរអា… អាត្រូវគ្រាប់នរកឯងកាន់ហើយពិតជាសុំទោស។
តារាសម្តែងរូបនេះបានបន្តថា ពុកម៉ែបងប្អូន ញាតិអ្នកស្រុក និងបងប្អូនរួមជាតិមួយចំនួនដែលតែងតែរង់ចាំតាមដានគាំទ្រមើល និងរាំកម្សាន្តសប្បាយជាមួយខ្ញុំក្នុងឱកាសបុណ្យចូរឆ្នាំថ្មីប្រពៃណីជាតិម្តងៗបុណ្យចូរឆ្មាំថ្មីប្រពៃណីជាតិឆ្មាំនេះ ក៏ដូចជាឆ្នាំបន្តបន្ទាប់ទៀត បងប្អូនទាំងអស់គ្នាអាចនឹងលែងឃើញវត្តមានរូបខ្ញុំតាមបណ្តាលកញ្ចក់ទូរទស្សន៍ ក៏ដូចជាផលិតកម្មមួយចំនួន ឬក៏អាចតិចបំផុតបើមានរាល់ឆ្នាំកន្លងៗទៅ ។
លោក គន់ រៀមរតនៈ បន្ថែមទៀតថាខ្ញុំស៊ូ ខ្ញុំទ្រាំ ធ្វើឆ្កែ ធ្វើឆ្មា ធ្វើគ ធ្វើថ្លង់ ធ្វើភ្លើល្ងើល្ងង់មិនដឹងអីក៏ព្រោះតែម្យ៉ាង គឺចង់បម្រើអារម្មណ៍បងប្អូនញាតិអ្នកស្រុក ក៏ដូចជាជនរួមជាតិមួយចំនួនដែលតែងគាំទ្រខ្ញុំ ឲ្យបានសើចសប្បាយ រសាយអារម្មណ៍ពីទុកកង្វល់ទាំងឡាយតែភាពអត់ធ្មត់ ស៊ូទ្រាំ អស់នោះរបស់មនុស្ស ក៏ដូចជាព្រះពុទ្ធជាម្ចាស់ ក៏គង់មានដែនកំណត់ដែរ។
ចំណែកឯតារាប្រុសលោក កាវីនក៏បានបញ្ចេញទស្សនៈមិនពេញចិត្តដែរថា ខ្ពើមចរិតតារាដែលទើបតែល្បីតិចតួចនឹងណាស់ ! មាននៅចាំកំណើតដើមអត់ ? ធ្លាប់ជាតួbackground ហើយសុំគេថត ពូកែសម្តែងទាំងក្នុងទាំងក្រៅកុននិយាយសម្តីមើលងាយគេមិនអោយតម្លៃគេដើរលើវិថីតែមួយសោះ តែចរឹកមិនច្រឡំនឹងគេ…។
តារាប្រុសរូបនេះបានបន្ថែមថាកុំភ្លេចថា មុនក្លាយជាមេអំបៅកុំភ្លេចថាដំបូងឡើយក៏កើតចេញពីសត្វដង្កូវដែរ បានថតតួឯក តួរង អ្វីក៏កាន់តែខ្មើតខ្លាំងម្ល៉េះធ្វើខ្លួនឯងនឹងស្អាតខ្លាំងមានតែមួយក្នុងលោក? ជាងពី Supper Star ថៃទៅទៀតលោកម្ចាស់ថ្លៃ សួរថាបានអ្វីមកវិញ ពីដំបូងគ្រាន់ចូលចិត្តខ្លះយូរៗទៅកាន់តែខ្ពើមតារាស្រុកខ្ញុំមួយចំនួន។
សូមបញ្ជាក់ថាថ្វីត្បិតតែមានការបង្ហាញអារម្មណ៍មិនពេញចិត្តនិងរិះគន់ខ្លាំងៗលើជំនួយការអ្នករៀបចំកម្មវិធីថតត្រៀមសម្រាប់បុណ្យចូលឆ្នាំរបស់សមាគមទូរទស្សន៍រូបនេះក៏ពិតមែនប៉ុន្តែគេនៅមិនទាន់ស្គាល់អត្តសញ្ញាណបុគ្គលរូបនោះនៅឡើយទេខណៈមានមហាជនមួយចំនួនបានលើកជាសំនួរថាតើបុគ្គលម្នាក់នោះជានណា?៕