ប្រជាពលរដ្ឋម្នាក់ដេីរបេះខ្នាញក៏ប្រទះឃេីញសាកសពដេកស្លាប់នៅក្នុងព្រៃ
ខេត្តកោះកុង៖ នៅវេលាម៉ោង២និង២៥នាទីរសៀល នាថ្ងៃទី ២៤ ខែកក្កដា ឆ្នាំ២០១៩ អធិការដ្ឋាននគរបាលក្រុងខេមរភូមិន្ទ បានទទួលព័ត៌មានពីប្រជាពលរដ្ឋម្នាក់ ថាបានប្រទះឃេីញ សាកសពបុរសម្នាក់ មានសភាពស្អុយរលួយ នៅក្បែរកន្លែងចាក់សំរាម ស្ថិតក្នុងភូមិព្រែកស្វាយ សង្កាត់ ស្ទឹងវែង ក្រុងខេមរភូមិន្ទ ពេលដែលខ្លួនចូលក្នុងព្រៃ ដេីរបេះខ្នាញ ។
នៅពេលបានទទួលព័ត៌មាន កម្លាំងការិយាជំនាញ សហការជាមួយកម្លាំងអធិការក្រុង ដោយមានការចូលរួមពីក្រុមគ្រូពេទ្យខេត្ត ចុះពិនិត្យសាកសព ។
ក្រោយធ្វេីកោសល្យវិច្ច័យបានបញ្ជាក់ថា៖
-សពមិនស្គាល់អត្តសញ្ញាណ បានយកក្រមាអំបោះក្រឡាក្រហម ចងករសម្លាប់ខ្លួន នឹងដេីមឈេីរកាស្យាកំពស់ ២ម៉ែត្រ ស្លាប់ប្រមាណជាង ១០ថ្ងៃ ហើយគ្មានអ្នកឃើញ ក៏ដាច់កធ្លាក់មកក្រោម
-សាកសពស្លៀកខោខាវប៊យ និង អាវយឺតដៃវែង ពណ៍ទឹកប៉ិចចាស់។
បច្ចុប្បន្នសពជនរងគ្រោះ បានប្រគល់ទៅអោយលោក ចៅសង្កាត់ស្ទឹងវែង យកមកធ្វើបុណ្យតាមប្រពៃណីយ៍ នៅវត្តទេពនិមិត្ត (ហៅវត្តថ្មី ) ៕
