កិច្ចប្រជុំអគ្គនាយកអន្តោប្រវេសន៍ និងប្រធានកុងស៊ុលអាស៊ានលើកទី២៣ (23rd DGwICM)
មីយ៉ាន់ម៉ា (ណៃពិដោ) ៖ ឯកឧត្ដម នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ បានអញ្ជេីញដឹកនាំគណៈប្រតិភូអគ្គនាយកដ្ឋានអន្តោប្រវេសន៍កម្ពុជា ចូលរួមពិធីបើកកិច្ចប្រជុំអគ្គនាយកអន្តោប្រវេសន៍ និងប្រធានកុងស៊ុលអាស៊ានលើកទី២៣ (23rd DGICM) ប្រព្រឹត្តទៅនៅព្រឹកថ្ងៃទី ២០ ខែសីហា ឆ្នាំ២០១៩ នៅសណ្ឋាគារហីលតុន នារដ្ឋធានីណៃពិដោរ សាធារណរដ្ឋសហភាពមីយ៉ាន់ម៉ា ដោយមានការអញ្ជើញចូលរួមពីមន្ត្រីជាន់ខ្ពស់ទទួលបន្ទុកកុងស៊ុលនៃក្រសួងការបរទេស និងសហប្រតិបត្តិការអន្តរជាតិផងដែរ ។
កិច្ចប្រជុំអគ្គនាយកអន្តោប្រវេសន៍ និងប្រធានកុងស៊ុលអាស៊ានលើកទី២៣ (23rd DGICM) មានវេទិកាជាសំខាន់ គឺវេទិកាប្រធានច្រកទ្វារអន្តោប្រវេសន៍អាស៊ានលើកទី៣ (3rd AMICF) ពិភាក្សាលើការងារគ្រប់គ្រងច្រកទ្វារអន្តោប្រវេសន៍ នៃបណ្តាប្រទេសជាសមាជិកអាស៊ាន ដើម្បីបង្ការ និងទប់ស្កាត់បទល្មើសឧក្រិដ្ឋកម្មឆ្លងដែនគ្រប់រូបភាព នៅក្នុងតំបន់។ វេទិកាព័ត៌មានអន្តោប្រវេសន៍អាស៊ានលើកទី១៥ (15th AIIF) ដែលបានពិភាក្សាលើការងារផ្លាស់ប្តូរព័ត៌មានសំងាត់ នៃបណ្តាប្រទេសជាសមាជិកអាស៊ាន និង កិច្ចប្រជុំអគ្គនាយកអន្តោប្រវេសន៍ និងប្រធានកុងស៊ុលអាស៊ាន ជាមួយអូស្ត្រាលី ដែលប្រព្រឹត្តិទៅ
ពីថ្ងៃទី១៩ ដល់ថ្ងៃ២១ ខែសីហា ឆ្នាំ២០១៩ នេះ៕