ស្នងការនគរបាលខេត្តកំពង់ឆ្នាំង បានអញ្ជេីញចូលរួម ពិធីប្រារព្ធទិវាបុណ្យឯករាជ្យជាតិ ៩ វិច្ឆិកា គម្រប់ខួបលេីកទី៦៦ និងថ្ងៃកំណេីតកងយុទ្ធពលខេមរភូមិន្ទ
ខេត្តកំពង់ឆ្នាំង៖ នាព្រឹកថ្ងៃពុធ ១០កេីត ខែកត្តិក ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៦ ខែវិច្ឆិកា ឆ្នាំ២០១៩ លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង បានអញ្ជេីញចូលរួម និងដឹកនាំកងកម្លាំងនគរបាលចំនួន ២២៥នាក់ ចូលរួមប្រារព្ធទិវាបុណ្យឯករាជ្យជាតិ ៩ វិច្ឆិកា គម្រប់ខួបលេីកទី៦៦ និងថ្ងៃកំណេីតកងយុទ្ធពលខេមរភូមិន្ទ នៅវិមានជ័យជំនះ ខេត្តកំពង់ឆ្នាំង ក្រោមអធិបតីភាព ឯកឧត្តម ឡុង ឈុនឡៃ ប្រធានក្រុមប្រឹក្សាខេត្តកំពង់ឆ្នាំង និងឯកឧត្តមឈួរ ច័ន្ទឌឿន អភិបាល នៃគណៈអភិបាលខេត្តកំពង់ឆ្នាំង។ ក្នុងនោះដែរលោកឧត្តមសេនីយ៍ស្នងការក៍បានចាត់កម្លាំងនគរបាលចំនួន ១១៥នាក់ផ្សេងទៀត ដេីម្បីសហការ ការពារ សន្តិសុខ សណ្តាប់ធ្នាប់ និងសម្រួលចរាចរណ៍ ជូនថ្នាក់ដឹកនាំ ដោយធានាបាននូវសុវត្ថិភាពល្អ។
ឯកឧត្តមឈួរ ច័ន្ទឌឿនអភិបាលខេត្តកំពង់ឆ្នាំង បានគូសបញ្ជាក់ថា សម្ដេចព្រះនរោត្តម សីហនុ ព្រះមហាវរក្សត្រ ព្រះរាជបិតាឯករាជ្យបូរណភាពទឹកដី និង ឯកភាពជាតិខ្មែរ ព្រះបរមរតនកោដ្ឋ ទ្រង់បានលះបង់ព្រះកាយពលនិងព្រះបញ្ញាញាណយ៉ាងខ្លាំងខ្លាបំផុតធ្វើការតស៊ូក្នុងក្របខ័ណ្ឌ នៃព្រះរាជបូជនីយកិច្ច ដើម្បីទាមទាឯករាជ្យជាតិឲប្រទេសកម្ពុជាបានរួចផុតពីអាណានិគមនិយមបារាំង ហើយប្រកាសឯករាជ្យជាតិ នៅថ្ងៃ៩ ខែវិច្ឆិកា ឆ្នាំ១៩៥៣ ។ វីរៈភាពដ៏អង់អាចក្លាហាននេះគឺជាគំរូដ៍ល្អដល់កូនខ្មែរ ជំនាន់ក្រោយ ក្នុងការកសាងការពារបូរណភាព និង អភិវឌ្ឍន៍ជាតិឲកាន់តែមានការរីកចម្រើនទៅថ្ងៃអនាគត ៕