លោកឧត្តមសេនីយ៍ត្រី សៅ សាវ៉ាត ស្នងការរង ទទួលផែនការងារធនធានមនុស្ស និងសហការី បានចូលរួមគោរពវិញ្ញាណក្ខន្ធសព និងកិច្ចបច្ឆាមរណះ
ខេត្តមណ្ឌលគិរី៖ នៅរសៀលថ្ងៃចន្ទ៧រោច ខែកត្តិក ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៨ ខែវិច្ឆិកា ឆ្នាំ២០១៩ លោកឧត្តមសេនីយ៍ទោ ឡោ សុខា ស្នងការនគរបាលខេត្ត បានចាត់តាំងលោកឧត្តមសេនីយ៍ត្រី សៅ សាវ៉ាត ស្នងការរង ទទួលផែនការងារធនធានមនុស្ស និងសហការី នៃស្នងការដ្ឋាននគរបាលខេត្តមណ្ឌលគិរី បានចូលរួមគោរពវិញ្ញាណក្ខន្ធនិងបំពាក់ឋានន្តរសក្តិសព ជាកិច្ចបច្ឆាមរណៈ ជូនសពលោកវរសេនីយ៍ទោ ប៊ូ ប៊ុនឈឿង អត្តលេខ ០៩៦២៧ នាយរងការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តមណ្ឌលគិរីដែលបានទទួលមរណ:ភាពកាលពីថ្ងៃទី១៨ ខែវិច្ឆិកា ឆ្នាំ២០១៩ វេលាម៉ោង ០៣.២០នាទីព្រឹក ក្នុងជន្មាយុ៥៣ឆ្នាំ(ដោយរោគាពាធ) សពត្រូវបានក្រុមគ្រួសាររៀបចំធ្វើបុណ្យតាមប្រពៃណី នៅគេហដ្ឋានសព ស្ថិតក្នុងភូមិដោះក្រមុំ សង្កាត់ សុខដុម ក្រុងសែនមនោរម្យខេត្តមណ្ឌលគិរី តាមគន្លងប្រពៃណីព្រះពុទ្ធ
សាសនា ជាមួយនឹងការអញ្ជើញគោរពវិញ្ញាណក្ខន្ធសព
លោកឧត្តមសេនីយ៍ត្រី ស្នងការរង និងសហការី ទាំងអស់ បានអុជធុបបួងសួងឧទ្ទិស ទៅដល់វិញ្ញាណក្ខន្ធ ទាំងអារម្មណ៍ក្រៀមក្រំ និងសោកស្តាយយ៉ាងក្រៃលែង ក្នុងការបាត់បង់នូវមន្ត្រីនគរបាលសកម្មម្នាក់ ដែលធ្លាប់បានបម្រើជាតិមាតុភូមិអស់រយៈពេលច្រើនឆ្នាំកន្លងមក។ ស្ថិតក្នុងឱកាសនោះដែរ លោកឧត្តមសេនីយ៍ត្រី ស្នងការរង បាននាំយកនូវបច្ច័យ និងសម្ភារៈ មានដូចជា៖
១,ថវិការបស់ស្នងការដ្ឋានគរបាលខេត្តមណ្ឌលគិរី ចំនួន២,៧៦០,០០០រៀល(ពីលានចិតសិបប្រាំមួុយម៉ឹនរៀល) ទឹកក្រូច៥កេះ,ទឹកសុទ្ធ៤០យួុរ
នំ២ធុង,ទឹកត្រី១កេះ ,ទឹកស៊ីវអ៉ីវ១កេះ,អង្ករ៥០គីឡូក្រាម
ថវិកា និងសម្ភារៈទាំងនេះ បានប្រគល់ជូនគ្រួសារនៃសព ដើម្បីចាត់ចែងធ្វើបុណ្យតាមគន្លងប្រពៃណីព្រះពុទ្ធសាសនា។
នាឱកាសនោះផងដែរ ក្រុមគ្រួសារសព បានថ្លែងអំណរគុណ ដល់លោកឧត្តមសេនីយ៍ត្រី ស្នងការរង និងសហការី នៃស្នងការដ្ឋាននគរបាលខេត្តមណ្ឌលគិរី ដែលតែងតែយកចិត្តទុកដាក់ដល់មន្ត្រីក្រោមឱវាទ និងសូមជូនពរជួបតែពុទ្ធពរទាំងបួនប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ៕
