ពិតជាគួរអោយភ្ញាក់ផ្ញើល ដែលនារីខ្មែរស្រស់ស្អាតបានព្យាយាមថែរក្សាវប្បធម៌ខ្មែរ និងបង្ហាញពីអត្តចរិកនារីខ្មែរពិតប្រាកដ
ហ្វេសប៊ុក ៖ ប្លែកភ្នែកសារជាថ្មីម្តងទៀតហើយ បន្ទាប់ពីមហាជនបានឃើញ និងគយគន់នូវសម្រស់របស់ក្មេងស្រីម្នាក់បង្ហោះនៅតាមបណ្តាញសង្គមហ្វេសប៊ុក នូវរូបភាពជាច្រើនសន្លឹកក្នុងឈុតបុរាណប្រពៃណីខ្មែរដែលស្តែងនូវភាពប៉ិនប្រសប់ក្នុងសិល្បៈរបាំនៅកាលពីសម័យអង្គរនោះគឺ ក្នុងឈុតអប្សរា ។
អប្សរា…. ពាក្យនេះធ្វើឲ្យយើងនឹកទៅដល់រូបទេពអប្សរទាំងឡាយដែលបុព្វបុរស ខ្មែរបានឆ្លាក់នៅតាមប្រាង្គប្រាសាទនានា។ រូបអប្សរា តែងមានទឹកមុខញញឹមស្ងប់ឥតទុក្ខកង្វល់ និងមានកាយវិការទន់ភ្លន់ល្វតល្វន់រេរាំហាក់ដូចជារបាំសួគ៌។
បើយើងក្រឡេកមើលទៅដល់ប្រវត្តិនៃដើមកំណើតអប្សរាមានដំណាលមកពីរឿងកូរសមុទ្រទឹកដោះនៅរឿងព្រេងរបស់ខ្មែរ។ អប្សរាគឺជារូបទេពអប្សរ ហើយជាតំណាងអោយនារីខ្មែរគ្រប់រូប ដែលសង្គមបានលើកតម្កើងព្រមទាំងអោយតម្លៃខ្ពស់ឥតគណនា ចំពោះគុណសម្បត្តិនារីខ្មែរ ដែលមានរូបស្រស់ស្អាត ស្មោះត្រង់ ទន់ភ្លន់ និងម៉ឺងម៉ាត់។ ម៉្យាងវិញទៀតព្រោះតែការអោយតម្លៃទៅលើស្ត្រីជាធំ ទើបយើងឃើញថានៅតាមបណ្តាស្ថាប័នឬនៅក្នុងរចនាសម្ព័ន្ធការងារ តែងប្រើប្រាស់ពាក្យ “មេ” តំណាងជាប្រធានឬជាអ្នកគ្រប់គ្រង។ ដោយសារតែនៅក្នុងសង្គមខ្មែរអោយតម្លៃខ្ពស់ទៅលើស្ត្រីទើបរហូតដល់មានពាក្យស្លោកខ្មែរមួយចំនួនបានចងក្រងមកដូចជា៖ “ស៊ូរស្លាប់បារ កុំអោយស្លាប់មេ ស៊ូរលិចទូកកណ្តាលទន្លេរ កុំអោយភ្លើងឆេះផ្ទះ”។
ហេតុនេះហើយក្នុងនាមជានារីខ្មែរ គួរខិតខំព្យាយាមរក្សាតម្លៃខ្លួនឯង និងវប្បធម៌ប្រពៃណីដ៏ល្អផូរផង់។
ប្រភព៖ camnewsonline