ឯកឧត្ដម កែន សត្ថា អភិបាល នៃគណៈអភិបាលខេត្តកែប ទទួលអំណោយគាំទ្រពីសប្បុរសជន
ខេត្តកែប ៖ នៅព្រឹកថ្ងៃព្រហស្បតិ៍ ៩កេីត ខែពិសាខ ឆ្នាំជូត ទោស័ក ព.ស២៥៦៣ត្រូវនឹងថ្ងៃទី៣០ ខែមេសា ឆ្នាំ២០២០ នេះ ឯកឧត្ដម កែន សត្ថា អភិបាល នៃគណៈអភិបាលខេត្តកែប បានផ្ដល់កិត្តិយសទទួលអំណោយឧបត្ថម្ភ ពីសម្ព័ន្ធភាពជាតិសមាគមក្រុមប្រឹក្សាថ្នាក់មូលដ្ឋានក្នុងគំរោង ខេត្តគោលដៅទាំង៦ មានខេត្តពោធិ៍សាត់ ជាប្រធាន និងគាំទ្រដោយអង្គការ Aide et Action+AEA ត្រូវបានផ្ដល់ជូន ស្រុកដំណាក់ចង្អើរ និងក្រុងកែប សម្រាប់ចាត់ចែងដល់ ឃុំ សង្កាត់ទាំង៥ ក្នុងការឧបត្ថម្ភដល់កុមារ និងគ្រួសារដែលជួបការលំបាកទាំង១៨ភូមិ ក្នុងខេត្តកែប។
សម្ភារៈឧបត្តម្ភរួមមាន: អង្ករ ១០០០kg ,ធុងទឹកលាងដៃ ១០០សម្រាប់,សាប៊ូលាងដៃ១៧កេះស្មើរនឹង ១២០០ដុំ ,សៀវភៅរឿងនិទាន ៧១៩ក្បាល ,ថ្នាំដុះធ្មេញប្រអប់តូច ៧២ប្រអប់,ម៉ាស់ការពារ និងខិតប័ណ្ណអបរំ ណែនាំ ស្ដីពី ការការពារជំងឺកូវីដ១៩ ។
ពិធីទទួលអំណោយនេះដែរ ក៏មានការចូលរួមពីសំណាក លោកស្រី អភិបាលក្រុងកែប លោកអភិបាលរងស្រុកដំណាក់ចង្អើរ មេឃុំ ចៅសង្កាត់ទាំង៥ របស់ខេត្តកែប ផងដែរ ៕