កិច្ចប្រជុំ “ពង្រឹងសមត្ថភាពគ្រូបង្គាលត្រៀម សម្រាប់វគ្គបណ្តុះបណ្តាលមេរៀនការកំណត់អត្តសញ្ញាណជនរងគ្រោះ ដល់មន្រ្តីពាក់ព័ន្ធនៅតាមគោលដៅដែលពលករវិលត្រលប់”
ភ្នំពេញ៖ នាព្រឹកថ្ងៃច័ន្ទ ១៤រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៦ ខែកញ្ញា ឆ្នាំ២០២១ នៅបន្ទប់ប្រជុំ អគ្គលេខាធិការដ្ឋាន គ.ជ.ប.ជ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គ.ជ.ប.ជ បានដឹកនាំកិច្ចប្រជុំ ពង្រឹងសមត្ថភាពគ្រូបង្គាលត្រៀម សម្រាប់វគ្គបណ្តុះបណ្តាលមេរៀនការកំណត់អត្តសញ្ញាណជនរងគ្រោះ ដល់មន្រ្តីពាក់ព័ន្ធនៅតាមគោលដៅដែលពលករវិលត្រលប់។ កិច្ចប្រជុំនេះមានការអញ្ជើញចូលរួមពីលោកជំទាវ ឧត្តមសេនីយ៍ឯក វេជ្ជបណ្ឌិត ប៉ុណ្ណ សំខាន់ អគ្គលេខាធិការ នៃអគ្គលេខាធិការដ្ឋាន គ.ជ.ប.ជ ឯកឧត្តម លោកជំទាវ អគ្គលេខាធិការរង ទទួលបន្ទុកការងារលេខាធិការដ្ឋាន ទទួលបន្ទុកការងារក្រុមការងារជំនាញទាំង៦ ប្រធាន និងអនុប្រធានក្រុមជំនួយកិច្ចការ និងមន្រ្តីពាក់ព័ន្ធការអនុវត្តការងារនៃលេខាធិការដ្ឋាន គ.ជ.ប.ជ ។
