លោកវរសេនីយ៍ឯក ប៊ូ គឹមស៊ន ស្នងការរងផែនការងារធនធានមនុស្សបានដឹកនាំមន្រ្តីក្រោមឱវាទនាំយកបច្ច័យចំនួន ៥,៦២០,០០០រៀល ទៅចូលរួមរំលែកទុក្ខបុណ្យសព លោកអនុសេនីយ៍ឯក សាយ សារ៉ា
រាជធានីភ្នំពេញ៖ នៅព្រឹកថ្ងៃចន្ទ ៨រោច ខែពិសាខ ឆ្នាំខាល ចត្វាស័ក ពស ២៥៦៦ ត្រូវនឹងថ្ងៃទី២៣ខែឧសភា ឆ្នាំ២០២២ លោកវរសេនីយ៍ឯក ប៊ូ គឹមស៊ន ស្នងការរងផែនការងារធនធានមនុស្ស និងជាតំណាងដ៏ខ្ពង់ខ្ពស់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានដឹកនាំមន្រ្តីក្រោមឱវាទនាំយកបច្ច័យចំនួន ៥,៦២០,០០០រៀល ទៅចូលរួមរំលែកទុក្ខបុណ្យសព លោកអនុសេនីយ៍ឯក សាយ សារ៉ា មន្រ្តីការិយាល័យផ្សព្វផ្សាយអប់រំ ដែលបានមរណភាពដោយរោគាពាធ នៅសង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។ 
