មេបញ្ជាការវរសេនាតូចនគរបាលការពារព្រំដែនគោកលេខ៨១៩ ដឹកនាំកម្លាំងរួមជាមួយសបុរស្សជន ចុះសួរសុខទុក្ខកងកម្លាំងប្រចាំការតាមបណ្តាប៉ុស្តិ៍ជួរមុខ និងនាំយកថវិកាគ្រឿងឧបភោគបរិភោគមួយចំនួនផង
ខេត្តបាត់ដំបង៖ នៅថ្ងៃសៅរ៍ ១១ រោច ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៥ ខែ មិថុនា ឆ្នាំ២០២២ វេលាម៉ោង៨:០០នាទី ព្រឹក អនុវត្តតាមមតិដឹកនាំរបស់ លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង និងតាមយោបល់ លោកវរសេនីយ៍ឯក ហាត ឡៃ ឡែ ស្នងការរងផែនការងារវរសេនាតូចនគរបាលការពារព្រំដែនគោក លោកវរសេនីយ៍ទោ អ៉ិន កុល មេបញ្ជាការវរសេនាតូចនគរបាលការពារព្រំដែនគោកលេខ៨១៩ និង លោកស្រី ព្រមទាំងលោកមេបញ្ជាការរង បានដឹកនាំ លោកនាយ នាយរងផ្នែក រួមជាមួយសបុរស្សជន។
បាននាំយកថវិកា និងគ្រឿងឧបភោគបរិភោគមួយចំនួនដែលបានពីការចូលរួមរបស់សប្បុរសជន ទៅចុះសាកសួរសុខទុក្ខដល់កងកម្លាំងដែលមានភារកិច្ចប្រចាំការនៅតាមគោលដៅប៉ុស្តិ៍ជួរមុខទាំង៨ រួមមាន៖
១-លោកវ.ទោ អ៉ិន កុល មេបញ្ជាការវរ: និងលោកស្រី ថវិកា ចំនួន ១,៦០០,០០០៛
២-លោក ស៉ីវ ចាន់ និងលោកស្រី គឹម លេង ទឹកសុទ្ធ ២០០យួរ
៣-លោក លី សុខា និងលោកស្រី ផល្លីកា ទឹកសុទ្ធ ១០០យួរ, មី ២៤កេស, កៅអីជ័រ ២០កៅអី
៤-លោក លេង សុខ អនុការរិយាល័យគយ និងរដ្ឋករ ប្រចាំនៅស្រុកកំរៀង និងលោកស្រី មាន សុភាព ទឹកសុទ្ធ ២០០យួរ, ត្រីខ ៧កេស, ទឹកស៊ីអ៉ីវ ១២កេស, អង្ករ ២ការ៉ុង, មី ៣០កេស
៥-លោកវ.ត្រី លី ឡង់ដែន មេបញ្ជាការរង សាវម៉ៅ ៣០kg
ត្រូវប្រគល់ជូនកងកម្លាំងនៅតាមបណ្តាប៉ុស្តិ៍ជួរមុខនីមួយៗ
ដោយឡែកមួយចំនួនទៀតប្រគល់ជូនកងកម្លាំងប្រចាំការនៅទីបញ្ជាការវរ:ដើម្បីទុកដោះស្រាយការខ្វះខាត។
