នគរបាលស្រុកសង្កែ បង្រ្កាបករណីគ្រឿងញៀនក្នុងមូលដ្ឋានឃាត់ខ្លួនអ្នកប្រព្រឹត្តិចំនួន០២នាក់ អនុវត្តតាមច្បាប់
ខេត្តបាត់ដំបង៖ នៅថ្ងៃអង្គារ ៥រោច ខែបុស្ស ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៣០ ខែមករា ឆ្នាំ២០២៤ វេលាម៉ោង ១៦និង ១៥នាទី នៅចំណុចភូមិវត្តតាមិម ឃុំអូរដំបង១ ស្រុក សង្កែ ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោកវរសេនីយ៍ឯក សុខ និមល ស្នងការរងផែនការងារប្រឆាំងគ្រឿងញៀន លោកវរសេ នីយ៍ទោ យុត តុងហូ អធិការនគរបាលស្រុកសង្កែ បានដឹកនាំកម្លាំងជំនាញផ្នែកប្រឆាំងគ្រឿងញៀន នៃអធិការ ដ្ឋាននគរបាលស្រុកចុះល្បាតក្នុងភូមិសាស្ត្រខាងលេី បង្ក្រាបបានករណី ប្រេីប្រាស់ដោយខុសច្បាប់នូវសារធាតុ ញៀន ០១ករណី ក្នុងបទល្មើសជាក់ស្តែង សមត្ថកិច្ចយើងឃាត់ខ្លួនបានជនសង្ស័យចំនួន០២នាក់ ឈ្មោះ ធឿន ធារ៉ា ភេទប្រុស អាយុ២៨ឆ្នាំ មានទីលំនៅភូមិស្វាយកង់ ឃុំអន្លង់វិល ស្រុកសង្កែ ខេត្តបាត់ដំបង និងឈ្មោះ ត្រា វិចិត្រ ភេទប្រុស អាយុ១៩ឆ្នាំ មានទីលំនៅភូមិស្វាយកង់ ឃុំអន្លង់វិល ស្រុកសង្កែ ខេត្តបាត់ដំបង។
-វត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកថ្លាចំនួន០១ថង់ទម្ងន់ ០.៨ ១ក្រាម (ទាំងសំបកថង់) សង្ស័យមានសារធាតុញៀន
-ដែកកេះចំនួន០១
-ប្រាក់រៀលចំនួន ១៤,៥០០រៀល (មួយម៉ឺនបួនពាន់ប្រាំរយរៀល)
-ម៉ូតូ០១គ្រឿង ម៉ាកហុងដាឌ្រីម ពណ៌ខ្មៅ សេរីឆ្នាំ២០១៨ ពាក់ស្លាកលេខ បាត់ដំបង 1AD-2670 ។
បច្ចុប្បន្ននគរបាលស្រុកបានសាងសំណ៉ំរឿងចាត់ការបន្តតាមនីតិវិធីច្បាប់ ៕