នគរបាលខេត្តឧត្ដរមានជ័យ ចុះបាញ់ទឹកតាមសាលារៀន ដើម្បីកាត់បន្ថយកម្ដៅ ដល់លោកគ្រូអ្នកគ្រូ និងសិស្សានុសិស្សកំពុងសិក្សា
ខេត្តឧត្តរមានជ័យ៖ ប៉ុន្មានថ្ងៃនេះ ធាតុអាកាសក្តៅហួតហែង នាថ្ងៃព្រហស្បតិ៍ ៩រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី០២ ខែមេសា ឆ្នាំ២០២៤ យោងតាមបទបញ្ជារបស់លោកឧត្តមសេនីយ៍ទោ ខូវ លី ស្នងការនគរបាលខេត្តឧត្តរមានជ័យ កម្លាំងចំណុះស្នងការដ្ឋាននគរបាលខេត្តឧត្ដរមានជ័យ បានប្រើប្រាស់រថយន្តពន្លត់អគ្គិភ័យចុះបាញ់ទឹក ដើម្បីកាត់បន្ថយកម្ដៅ ដល់លោកគ្រូអ្នក អ្នកគ្រូ និងសិស្សានុសិស្ស ដែលកំពុងសិក្សា តាមសាលារៀន តាមមូលដ្ឋាន ។
