ពិធីបើកសវនកម្មលើការិយបរិច្ឆេទ ឆ្នាំ២០១៨ នៅស្នងការដ្ឋាននគរបាលខេត្តកំពង់ចាម
ខេត្តកំពង់ចាម ៖ នៅរសៀលថ្ងៃទី២១ ខែមិថុនា ឆ្នាំ២០១៩ នៅសាលប្រជុំធំនៃស្នងការដ្ឋាននគរបាលខេត្តកំពង់ចាម បានរៀបចំពិធីបើកសវនកម្មលើការិយបរិច្ឆេទ ឆ្នាំ២០១៨ ប្រព្រឹត្តទៅក្រោម អធិបតីភាព ឯកឧត្តម នាយឧត្តមសេនីយ៍ ធឹម សុផា អគ្គនាយក នៃអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ ព្រមទាំងគណៈប្រតិភូអមដំណើរ និងមានការអញ្ជើញចូលរួមពីលោកឧត្តមសេនីយ៍ទោ ឯម កុសល ស្នងការនគរបាលខេត្ត លោក-លោកស្រី គណៈស្នងការគ្រប់រូប លោកអនុប្រធានផែន លោក-លោកស្រីនាយ-នាយរងការិយាល័យ លោកអធិការ-អធិការរងស្រុក-ក្រុង ទាំង១០ លោកនាយប៉ុស្តិ៍នគរបាលរដ្ឋបាលទាំង១០៩ប៉ុស្តិ៍ សរុបមានចំនួន៣៥១នាក់។
ជាកិច្ចចាប់ផ្តើមលោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាមឡើងអានរបាយការណ៍ស្វាគមន៍អំពីលទ្ធផលកិច្ចប្រតិបត្តិការរក្សាសន្តិសុខក្នុងឆ្នាំ២០១៨រួចមក។ ឯកឧត្តម នាយឧត្តមសេនីយ៍ ធឹម សុផា បានធ្វើការកោតសរសើរដល់នគរបាលខេត្តកំពង់ចាម ដែលបានខិតខំរក្សាសន្តិសុខជូនបងប្អូនប្រជាពលរដ្ឋប្រកបដោយសុខសុវត្ថិភាព៕
