កិច្ចប្រជុំពិភាក្សាតាមអនឡាញ ស្តីអំពីគម្រោង (Ship to Shore) ពាក់ព័ន្ធកិច្ចការពារពលករទេសន្តរប្រវេសន៍ ក្នុងវិស័យនេសាទ
រាជធានីភ្នំពេញ៖ នារសៀលថ្ងៃអង្គារ ២កេីត ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១០ ខែសីហា ឆ្នាំ២០២១ មានជំនួបរវាងថ្នាក់ដឹកនាំអគ្គលេខាធិការដ្ឋាន គ.ជ.ប.ជ ជាមួយនឹងតំណាងអង្គការដៃគូរ មាន IOM, UNDP, ILO រួមនឹងសហការី បានជួបប្រជុំពិភាក្សាតាមប្រព័ន្ធអនឡាញ ស្តីអំពីគម្រោង (Ship to Shore) ពាក់ព័ន្ធកិច្ចការពារពលករទេសន្តរប្រវេសន៍ក្នុងវិស័យនេសាទ ក្រោមអធិបតីភាពលោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្រ្តៃយ៍ គ.ជ.ប.ជ លោកជំទាវ ឧ.ឯក វេជ្ជ. ប៉ុណ្ណ សំខាន់ អគ្គលេខាធិការ លោកជំទាវ ឧ.ទោ រ៉ន សិរីក្ខិណា អគ្គលេខាធិការរង និងអនុប្រធានក្រុមជំនួយកិច្ចការនៃក្រុមការងារសហប្រតិបត្តិការជាតិ និងអន្តរជាតិ របស់អគ្គលេខាធិការដ្ឋាន គ.ជ.ប.ជ។