មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តកំពង់ឆ្នាំង បានរៀបចំពិធីសូត្រមន្ត និងពិសាអាហារសាមគ្គីអបអរសាទរក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ
ខេត្តកំពង់ឆ្នាំង៖ នៅរសៀលថ្ងៃសៅរ៍ ១៣ រោច ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៦ ខែមេសា ឆ្នាំ២០២៤ មន្ទីរ មន្ទីររៀបចំដែនដី នគរូបនីយកម្ម សំណង់ និងសុរិយោដី ដ.ន.ស.ស ខេត្តកំពង់ឆ្នាំង បានរៀបចំពិធីសូត្រមន្ត និងពិសាអាហារសាមគ្គីអបអរសាទរក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំរោង ឆស័ក ព.ស.២៥៦៧ ឈានចូល ព.ស.២៥៦៨ នាពេលខាងមុខនេះ។
ក្នុងឱកាសនោះដែរលោក លី សុភា ប្រធានមន្ទីរ រៀបចំដែនដី នគរូបនីយកម្ម សំណង់ និងសុរិយោដី ខេត្តកំពង់ឆ្នាំង បានប្រគេននូវទេយ្យទាន និងបច្ច័យកសាងរបស់ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ រួមជាមួយបច្ច័យកសាងរបស់មន្ទីរ ជូនដល់វត្តចំនួន២ គឺវត្តកាសេមរតនារាម (ហៅវត្តធម្មយុត្តិ) និងវត្តចន្ទប្បជោតនារាម (ហៅវត្តតាសុត) ដេីម្បីចូលរួមចំណែកលេីកស្ទួយព្រះពុទ្ធសាសានា ដែលជាសាសនារបស់រដ្ឋ ៕
