ទង្វើ ៥ យ៉ាងរបស់បុរសៗ ធ្វើឲ្យមិត្តស្រីមានអារម្មណ៍ធុញទ្រាន់
ដោយសារក្តីស្រលាញ់ចំពោះមិត្តស្រីខ្លាំងពេក ទើបបុរសៗមួយចំនួនធ្វើរឿងដែលមនុស្សស្រីមិនចូលចិត្តទាំងមិនបានគិត។ បើមិនចង់ឲ្យសង្សារខឹង ឬ ស្អប់ដាច់ខាតកុំធ្វើរឿងទាំង ៥ នេះជ្រុលពេក ៖
១. ពូកែសួរដេញដោល
ស្រីៗស្អប់បំផុតមិត្តប្រុសដែលពូកែសួររឿងដដែលៗ ឬ សួរចាក់ឬសចាក់គល់ ចង់ដឹងស្ទើរគ្រប់រឿង។
២. ពូកែប្រច័ណ្ឌ
បើមិនស្រលាញ់មិនប្រច័ណ្ឌទេត្រូវអត់? ប៉ុន្តែមនុស្សប្រុសមួយចំនួនប្រច័ណ្ឌគ្មានហេតុផលធ្វើឲ្យមិត្តស្រីមិនចូលចិត្ត។
៣. ហួងហែងជ្រុល
គ្រប់យ៉ាងមកពីស្រលាញ់ទើបហួងហែង បារម្ភបែបនេះ។ ស្រីៗភាគច្រើនចង់បានសិទ្ធសើរភាព និងមិនចង់ឲ្យមិត្តប្រុសត្រួតត្រាហូសហេតុពេកនោះទេ។
៤. ឆែកទូរស័ព្ទ
ជាសង្សារនឹងគ្នាឆែកទូរស័ព្ទខុសដែរមែន? តាមពិតវាមិនខុសទេ ប៉ុន្តែពេលដែលធ្វើបែបនេះដូចជាមិនទុកចិត្តមិត្តស្រី មិនគោរពនាងទាល់តែសោះ។
៥. មិនគោរព មិនឲ្យតម្លៃមិត្តស្រី
ស្រីៗគ្រប់រូបគ្មានអ្នកណាអាចបន្តស្រលាញ់មនុស្សប្រុសបែបនេះបានទេ ថែមទាំងមិនចូលចិត្តមនុស្សប្រុសចរិតបែបនេះផងដែរ៕
អត្ថបទ៖ Queenco
ប្រភព: កោះថ្មី