កម្មវិធីពិនិត្យ និងព្យាបាលជម្ងឺដោយឥតគិតថ្លៃ របស់ក្រុមគ្រូពេទ្យស្ម័គ្រចិត្តយុវជន សម្តេចតេជោ ហ៊ុន សែន នៅស្រុកឯកភ្នំ
ខេត្តបាត់ដំបង ៖ នៅថ្ងៃទី០២ ខែវិច្ឆិកា ឆ្នាំ២០១៩ វេលាម៉ោង ៧និង០០ នាទីព្រឹក រដ្ឋបាលស្រុកឯកភ្នំ សហការណ៍ជាមួយក្រុមគ្រូពេទ្យស្ម័គ្រចិត្តយុវជន សម្តេចតេជោ ហ៊ុន សែន រៀបចំកម្មវិធីពិនិត្យ និងព្យាបាលជម្ងឺដោយឥតគិតថ្លៃ ជូនប្រជាពលរដ្ឋក្នុងស្រុកឯកភ្នំ ខេត្តបាត់ដំបង ក្រោមអធិបតីភាពដ៏ខ្ពង់ខ្ពស់ លោកជំទាវ ពេជ ចន្ទមុន្នី ហ៊ុន ម៉ាណែត ឯកឧត្តម នាយឧត្តមសេនីយ៍ សេង យូអ៊ាន់ អគ្គនាយកនៃអគ្គនាយកដ្ឋានភស្តុភារ និងហិរញវត្ថុក្រសួងមហាផ្ទៃ និងជាប្រធានក្រុមការងារថ្នាក់ជាតិចុះមូលដ្ឋានស្រុកឯកភ្នំ ដែលមានសមាសភាពចូលរួម ឯកឧត្តម អ៊ីន វីរជាតិ រដ្ឋលេខាធិការទីស្តីការគណរដ្ឋមន្ត្រី និងជាអនុប្រធានទី ១ ក្រុមការងារគណបក្សប្រជាជនកម្ពុជា ចុះជួយស្រុកឯកភ្នំ ឯកឧត្តម នាយឧត្តមសេនីយ៍ ធឹម សុផា អគ្គនាយកនៃអគ្គនាយកដ្ឋានសវនកម្មផ្ទៃក្នុងក្រសួងមហាផ្ទៃ និងប្រធានក្រុមការងារថ្នាក់ជាតិចុះមូលដ្ឋានឃុំព្រែកខ្ពប និងឃុំសំរោងក្នុង ឯកឧត្តម អភិបាលរងនៃគណៈអភិបាលខេត្តបាត់ដំបង លោក ម៉ិល សុផល អភិបាលនៃគណៈអភិបាលស្រុកឯកភ្នំ ។ ក្នុងកម្មវិធីនេះដែរចំណាយថវិកាសរុប ១៩,៤៥៧,៥៩០រៀល ដែលជាថវិការបស់ ឯកឧត្តម នាយឧត្តមសេនីយ៍ សេង យូអ៊ាន់ អគ្គនាយកនៃអគ្គនាយកដ្ឋានភស្តុភារ និងហិរញ្ញវត្ថុក្រសួងមហាផ្ទៃ និងជាប្រធានក្រុមការងារថ្នាក់ជាតិចុះមូលដ្ឋានស្រុកឯកភ្នំ ។ ក្នុងនោះដែរប្រជាពលរដ្ឋបានពិនិត្យ និងព្យាបាលជម្ងឺសរុប ៥,០៨៩នាក់ និងជម្ងឺដែលត្រូវបញ្ជូនចេញសរុប ៦៧ នាក់ ។
