ពិធីបិទសវនកម្មផ្ទៃក្នុង សម្រាប់ការិយបរិច្ឆេទ២០១៨ និងបណ្ដាឆ្នាំពាក់ព័ន្ធ របស់នាយកដ្ឋាននគរបាលការពារព្រំដែនទឹក
រាជធានីភ្នំពេញ ៖ នាព្រឹកថ្ងៃព្រហស្បតិ៍ ៩កើត ខែមិគសិរ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៥ ខែធ្នូ ឆ្នាំ២០១៩ នៅនាយកដ្ឋាននគរបាលការពារព្រំដែនទឹក បានរៀបចំពិធីបិទសវនកម្មផ្ទៃក្នុង សម្រាប់ការិយបរិច្ឆេទ២០១៨ និងបណ្ដាឆ្នាំពាក់ព័ន្ធ របស់នាយកដ្ឋាននគរបាលការពារព្រំដែនទឹក ក្រោមអធិបតីភាព ឯកឧត្តម នាយឧត្តមសេនីយ៍ ធឹម សុផា អគ្គនាយក នៃអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ។
ក្នុងពិធីនេះដែរ ក៏មានការអញ្ជើញចូលរួមពី ឯកឧត្តម ឧត្តមសេនីយ៍ឯក ទូច ពលៈ ប្រធាននាយកដ្ឋាននគរបាលការពារព្រំដែនទឹក អនុប្រធាននាយកដ្ឋាន នាយ-នាយរងការិយាល័យ ប្រធានអង្គភាព មេបញ្ជាការ-មេបញ្ជាការរង វរសេនាតូច និងមន្រ្តី ចំណុះនាយកដ្ឋាននគរបាលការពារព្រំដែនទឹកទាំងអស់។