អគ្គនាយកដ្ឋានពន្ធនាគារ ចុះមកប្រជុំដោះស្រាយបញ្ហាព្រំដីនៅចំណុចបង្គោលលេខ៩ (អូរយាង ដែលប្រជាពលរដ្ឋទន្ទ្រានកាន់កាប់ចន្លោះ ១៧ ទៅ២០ ហិចតា)
រាជធានីភ្នំពេញ៖ នៅព្រឹកថ្ងៃព្រហស្បតិ៍ ១៥ កើត ខែផល្គុន ឆ្នាំឆ្លូវត្រីស័ក ព.ស ២៥៦៥ ត្រូវនឹងថ្ងៃទី១៧ ខែមីនា ឆ្នាំ២០២២ ឯកឧត្តម ឧត្តមអគ្គានុរក្សថ្នាក់លេខ១ ឈន សាណាត អគ្គនាយករង នៃអគ្គនាយកដ្ឋានពន្ធនាគារ ឯកឧត្តម ឧត្តមអគ្គានុរក្សថ្នាក់លេខ១ កែវ សុខផាត ប្រធាននាយកដ្ឋានបណ្ដុះបណ្ដាលវិជ្ជាជីវៈ និងមុខរបរ លោកឧត្តមអគ្គានុរក្សថ្នាក់លេខ២ មាន ថាវរិន្ទ ប្រធាននាយកដ្ឋានសន្តិសុខ បានដឹកនាំក្រុមការងារជំនាញ អគ្គនាយកដ្ឋានពន្ធនាគារ ចុះមកប្រជុំដោះស្រាយបញ្ហាព្រំដីនៅចំណុចបង្គោលលេខ៩ (អូរយាង ដែលប្រជាពលរដ្ឋទន្ទ្រានកាន់កាប់ចន្លោះ ១៧ ទៅ២០ ហិចតា) ជាមួយតំណាងអភិបាលខេត្ត សុរិយោដីខេត្ត សុរិយោដីស្រុក អភិបាលរងទទួលបន្ទុក តំណាងមេឃុំ តំណាងមេភូមិ លទ្ធផលក្រោយការប្រជុំ ឯកឧត្តម ឧត្តមអគ្គានុរក្សថ្នាក់លេខ១ ឈន សាណាត អគ្គនាយករង នៃអគ្គនាយកដ្ឋានពន្ធនាគារ បានសម្រេចធ្វេីការកាត់ដីតែ ១៣ហិចតា ជូនប្រជាពលរដ្ឋចំនួន ១៣គ្រួសារតែប៉ុណ្ណោះ សល់ក្រៅពីនោះត្រូវប្រគល់ឲ្យមកមណ្ឌលអប់រំកែប្រែទី៤។ ចំពោះអាជ្ញាធរមូលដ្ឋាន ភូមិ ឃុំ ឯកភាពក្នុងការសម្រេចនេះផងដែរ ប៉ុន្តែសុំពេលដេីម្បីធ្វេីការផ្សព្វផ្សាយជូនប្រជាពលរដ្ឋទាំង ១៣គ្រួសារជាមុនសិន។
