នគរបាលស្រុកបវេល ឃាត់ខ្លួនយុវជនចំនួន០២ក្រុម ប្រេីប្រាស់កាំបិតដេញកាប់គ្នាតាមផ្លូវសាធារណៈ
ខេត្តបាត់ដំបង៖ នៅថ្ងៃសៅរ៍ ទី០៤ ខែកញ្ញា ឆ្នាំ២០២១នេះ លោកវរសេនីយ៍ឯក សុខ សារិន អធិការនគរបាលស្រុកបវេល បានរៀបចំសំណុំរឿងបញ្ជូននូវក្រុមជនបង្កហិង្សាដោយអាវុធ ចំនួន០២ក្រុមដែលមានមនុស្សរហូតចំនួន១៣នាក់ និងវត្ថុតាងមានកាំបិត ចំនួន០៣ដេីម និងម៉ូតូចំនួន០៦គ្រឿង មកការិយាល័យជំនាញនៃស្នងការដ្ឋាននគរបាលខេត្តបាត់ដំបង ។
លោកអធិការស្រុកបានឲ្យដឹងថា កាលពីយប់ថ្ងៃទី០៣ ខែកញ្ញា ឆ្នាំ២០២១ វេលាម៉ោង២០ និង១០នាទីនៅចំណុចវាលស្រែ១០០ក្នុងភូមិសង្កែវារ ឃុំបវេល ស្រុកបវេល ខេត្តបាត់ដំបង ក្រុមយុវជនបង្អនាធិបតេយ្យ ចំនួន០២ក្រុម បានប្រេីប្រាស់កាំបិតដេញកាប់គ្នាបង្កឲ្យមានការភ្ញាក់ផ្អេីលដល់ប្រជាពលរដ្ឋក្នុងមូលដ្ឋាន បន្ទាប់ពីពួកគេបានប៉ះពារពាក្យសំដីគ្នាតែបន្តិចចន្តួចតែប៉ុណ្ណោះ។ ទទួលបានព័ត៌មាននេះភ្លាម សមត្ថកិច្ចនគរបាលបានចាត់វិធានការបង្រ្កាបឃាត់ខ្លួនក្រុមយុវជនទាំងពីរក្រុមដែលក្នុងនោះគឺ៖ក្រុមទី០១មានឈ្មោះដូចខាងក្រោមៈ
១-ឈ្មោះ យុន សឹងយ៉ាន់ណា ភេទប្រុស នៅភូមិបវេល១ ឃុំបវេល ស្រុកបវេល។
២-ឈ្មោះ វ៉ុន ចានរ័ត្ន ភេទប្រុស នៅភូមិសង្កែវារ ឃុំបវេល ស្រុកបវេល។
៣-ឈ្មោះ មាស សំណាង (ម៉ាក) ភេទប្រុស នៅភូមិបវេល១ ឃុំបវេល។
៤-ឈ្មោះ រស់ គឹមហាន់ ភេទប្រុស នៅភូមិក្ដុល ឃុំក្ដុលតាហែន ស្រុកបវេល។
៥-ឈ្មោះ លី ប៊ុនទី ភេទប្រុស នៅភូមិក្ដុល ឃុំក្តុលតាហែន ស្រុកបវេល។
៦-ឈ្មោះ ហ៊ីង មួន ភេទប្រុស នៅភូមិក្ដុល ឃុំក្តុលតាហែន ស្រុកបវេល។
៧-ឈ្មោះ រឿន ចាន់តារ៉ា ភេទប្រុស នៅភូមិក្ដុល ឃុំក្ដុលតាហែន ស្រុកបវេល។
៨-ឈ្មោះ កឿន ប៊ុនហេង ភេទប្រុស នៅភូមិខ្នាចរមាស ឃុំខ្នាចរមាស ស្រុកបវេល។
៩-ឈ្មោះ ខ្លឹង សីហា ភេទប្រុស នៅស្រុកថ្មគោល។
១០-ឈ្មោះ ធី បញ្ញា ភេទប្រុស នៅស្រុកកំរៀង។
១១-ឈ្មោះ រឿន ចាន់គោរព ភេទប្រុស នៅភូមិពាម ឃុំបវេល ស្រុកបវេល ខេត្តបាត់ដំបង។
-ក្រុមទី០២មានឈ្មោះដូចខាងក្រោមៈ
១-ឈ្មោះ លិញ តុលា ភេទប្រុស នៅភូមិទំនប់ទឹក ឃុំបវេល ។
២-ឈ្មោះ វណ្ណះ ចាន់ន្នី ភេទប្រុស នៅភូមិទំនប់ទឹក ឃុំបវេល ។
ក្នុងចំណោមមនុស្សចំនួន១៣នាក់នេះ នៅមានបក្សពួកគេចំនួន០២នាក់ទៀត បានគេចខ្លួនផុតមុនពេលសមត្ថកិច្ចទៅដល់ កន្លែងកេីតហេតុ ប៉ុន្តែសមត្ថកិច្ចបានស្គាល់អត្តសញ្ញាណគាត់រួចហេីយ៕
